Published on January 27, 2015 at 12:15 pm

ബോളിവുഡ് താരങ്ങളായ സോഹ അലിഖാനും കുനാല്‍ ഖേമുവും വിവാഹിതരായി

ബോളിവുഡ് താരങ്ങളായ സോഹ അലിഖാനും കുനാല്‍ ഖേമുവും വിവാഹിതരായി. നാല് വർഷം നീണ്ട പ്രണയത്തിനൊടുവിലാണ് ഇവർ വിവാഹിതരായത്. ചടങ്ങിൽ കുടുംബാംഗങ്ങളും അടുത്ത ബന്ധുക്കളും മാത്രമാണ് പങ്കെടുത്തത്. സോഹയുടെ മാതാവ് ഷര്‍മ്മിള ടാഗോര്‍ സഹോദരന്‍ സെയ്ഫ് അലി ഖാന്‍ ഭാര്യ കരീന കപൂര്‍ തുടങ്ങിയവരും വിവാഹച്ചടങ്ങില്‍ സന്നിഹിതരായി. ഇവരുടെ വിവാഹ നിശ്ചയം കഴിഞ്ഞ വർഷം പാരീസിൽ വെച്ച് നടന്നിരുന്നു. ബാലതാരമായി സിനിമയിലെത്തുന്ന കുനാല്‍ കലിയുഗ് എന്ന സിനിമയിലൂടെയാണ് ബോളിവുഡില്‍ ശ്രദ്ധിക്കപ്പെട്ടത്.2009ല്‍ പുറത്തിറങ്ങിയ 99 എന്ന ചിത്രത്തിലാണ് സോഹയും കുനാലും ഒരുമിച്ചത്.വിവാഹച്ചടങ്ങുകളുടെ ദൃശ്യങ്ങൾ സോഹ ട്വിറ്ററിലൂടെ പുറത്ത് വിടുകയായിരുന്നു.
–