Welcome to NIRBHAYAM.COM | Kerala’s No. 1 News Portal
സോള്: യുഎസിന്റെ ആവര്ത്തിച്ചുള്ള മുന്നറിയിപ്പുകള് അവഗണിച്ച് അണുപരീക്ഷണമെന്ന നിലപാടില് ഉത്തര കൊറിയ ഉറച്ചുനില്ക്കുന്നതോടെ, ഇരു രാജ്യങ്ങളും തമ്മിള് ഏത് നിമിഷവും യുദ്ധം പൊട്ടിപ്പുറപ്പെട്ടേക്കാമെന്ന മുന്നറിയിപ്പുമായി ചൈന.
അണു പരീക്ഷണം നടത്തുമെന്ന നിലപാട് ഉത്തര കൊറിയ ആവര്ത്തിച്ചതോടെ എതു നിമിഷവും യുദ്ധം ആരംഭിച്ചേക്കുമെന്ന് ചൈനീസ് വിദേശകാര്യ മന്ത്രി മുന്നറിയിപ്പു നല്കി. എന്നാല്, സൈനികനീക്കം ആര്ക്കും ഗുണം ചെയ്യില്ലെന്നാണ് ഉത്തര കൊറിയയുടെ ഏക സഖ്യകക്ഷി കൂടിയായ ചൈനയുടെ നിലപാട്.
പ്രശ്നങ്ങളുടെ ഗൗരവം കണക്കിലെടുത്തു ബന്ധപ്പെട്ടവര് അതീവജാഗ്രത പാലിക്കണം. യുഎസിന്റെ ആവര്ത്തിച്ചുള്ള മുന്നറിയിപ്പുകളെ അവഗണിച്ചാണ് പ്യോങ്യാങ് അണുപരീക്ഷണത്തിനൊരുങ്ങുന്നത്. രാഷ്ട്രശില്പി കിം സങ് രണ്ടാമന്റെ നൂറ്റിയഞ്ചാം ജന്മദിനമായ ശനിയാഴ്ച, ഉത്തര കൊറിയ ആറാം ആണവപരീക്ഷം നടത്തുമെന്നാണ് കരുതുന്നത്. ഇതിന്റെ ഭാഗമായി രാജ്യതലസ്ഥാനമായ പ്യോങ്യാങ്ങില്നിന്ന് ആറു ലക്ഷത്തോളം ആളുകളെ ഭരണകൂടം ഒഴിപ്പിച്ചിരുന്നു.
അതേസമയം, ഏതു തരത്തിലുള്ള അടിയന്തരാവസ്ഥയും നേരിടാനുറച്ച് അമേരിക്കന് യുദ്ധക്കപ്പലുകള് മേഖലയില് നിലയുറപ്പിച്ചിട്ടുണ്ട്. യുഎന് ഉപരോധങ്ങള്ക്കും പാശ്ചാത്യ ലോകത്തിന്റെ കടുത്ത സമ്മര്ദങ്ങള്ക്കും മുന്നില് വഴങ്ങാതെ നില്ക്കുന്ന ഉത്തര കൊറിയയ്ക്കെതിരെ ‘സൈനിക നടപടി’ പരിഗണിക്കുമെന്നു യുഎസ് സ്റ്റേറ്റ് സെക്രട്ടറി റെക്സ് ടില്ലേഴ്സന് വ്യക്തമാക്കിയിരുന്നു.
വീണ്ടുമൊരു പ്രകോപനം വച്ചുപൊറുപ്പിക്കില്ലെന്ന് അമേരിക്കന് പ്രസിഡന്റ് ഡൊണാള്ഡ് ട്രംപും മുന്നറിയിപ്പ് നല്കിയിരുന്നു. സൈനിക നടപടിക്കൊരുങ്ങിയാല് അമേരിക്കയെ തകര്ത്തുകളയുമെന്ന് ഉത്തര കൊറിയന് ഏകാധിപതി കിങ് ജോംങ് ഉന്നും മുന്നറിയിപ്പ് നല്കിയിട്ടുണ്ട്.
Leave a Reply