Published on March 3, 2018 at 1:37 pm

ഗ്യാസ് രോഗം മൂലം രോഗിക്ക് മരണം സംഭവിക്കുമോ?

ഗ്യാസ് ട്രബിൾ പലരേയും അലട്ടുന്ന ഒരു പ്രധാന പ്രശ്‌നമാണ് . വയർ സംബദ്ധമായ പല പ്രശ്‌നങ്ങൾക്കും ഗ്യാസ് ട്രബിൾ ഒരു കാരണമാകാറുണ്ട് . ചിലർക്കിത് അമിതമായ ബുദ്ധിമുട്ടുണ്ടാക്കാറുണ്ട് . ഇത് വേണ്ടരീതിയിൽ പരിഹരിച്ചില്ലെങ്കിൽ പല ഗുരുതരപ്രശ്‌നങ്ങളും ഉണ്ടായേക്കാം ..

ഗ്യാസ് രോഗവും നിരാശയും തമ്മിൽ ബന്ധമുണ്ട്. ഗ്യാസ് രോഗംകൊണ്ട് നിരാശയും മറിച്ച് നിരാശകൊണ്ട് ഗ്യാസ് രോഗവും ഉണ്ടാകുന്നു. പലപ്പോഴും ഗ്യാസ് രോഗം ചികിത്സിക്കുന്ന ഘട്ടത്തിൽ ഡോക്ടർമാർ നിരാശക്കുള്ള മരുന്നും നിർദേശിക്കാറുണ്ട്. പക്ഷേ, പലപ്പോഴും രോഗികൾ ഈ നിരാശ തിരിച്ചറിയാത്തതും സാരമായെടുക്കാത്തതും ചികിത്സയെ പ്രതികൂലമായി ബാധിക്കാറുണ്ട്.

ഒരേസമയം ഗ്യാസ് ഒരു രോഗവും രോഗലക്ഷണവുമാണ്. പല രോഗങ്ങളിലും ഗ്യാസിെൻറ ബുദ്ധിമുട്ടുകൾ പ്രകടമാകാറുണ്ട് . ആമാശയത്തിലും ചെറുകുടലിലും ഉള്ള അൾസർ, ഗ്യാസ്ട്രൈറ്റിസ് (Gastritis), ആമാശയ അർബുദം, കുടലിെൻറ ചുരുക്കം അല്ലെങ്കിൽ തടസ്സം, ഹൃദ്രോഗം, കിഡ്നി സംബന്ധമായ രോഗങ്ങൾ, തൈറോയ്ഡ്, പ്രമേഹം തുടങ്ങിയ അനവധി രോഗങ്ങളിൽ ഗ്യാസ് ഒരു രോഗലക്ഷണമാണ്.

ഗ്യാസ് രോഗത്തിൽ കാണാത്ത ലക്ഷണങ്ങൾ ആണ് തലവേദന, ശരീരവേദന തുടങ്ങിയവ .രോഗം വളരെ സാധാരണമാണെങ്കിലും രോഗത്തെക്കുറിച്ചുള്ള തെറ്റിദ്ധാരണ സമൂഹത്തിൽ ആഴത്തിൽ വേരോടിയിട്ടുണ്ട്. ആയതിനാൽ തലവേദന, ശരീരവേദന, പുറംവേദന, മലബന്ധം, വയറിളക്കം, ഛർദി തുടങ്ങിയവ ഗ്യാസ് രോഗം മൂലമാണെന്ന് പലരും ധരിച്ചുവെക്കാറുണ്ട്. എന്നാൽ, ഇതൊരു തെറ്റിദ്ധാരണയാണ്.

ഗ്യാസ് ട്രബിബിളിന് വിപണിയിൽ ആയുർവേദ , ആലോപ്പതി മരുന്നുകൾ ലഭ്യമാണ് . എന്നാൽ അതിനേക്കാളേറെ ഫലപ്രദമാകുന്നത് വീട്ടുവൈദ്യങ്ങളാകും

പരിഹാരമാർഗങ്ങൾ :

ഇഞ്ചിനീരെടുത്ത് ഇതിൽ അൽപ്പം ഉപ്പു ചേർത്തിളക്കി കുടിയ്ക്കാം .ഇത് ദഹനത്തിനും ഗ്യാസിനും ഒരു പോലെ നല്ലതാണ്

രണ്ടല്ലി വെളുത്തുള്ളി , അര സ്പൂൺ ജീരകം എന്നിവ നെയ്യിൽ വറുത്ത് ഭക്ഷണത്തിനു മുൻപായി കഴിക്കാം .

കറുവപ്പട്ട , ഗ്രാമ്പൂ എന്നിവയിട്ടു തിളപ്പിച്ച വെള്ളം അസിഡിറ്റി പ്രശ്‌നങ്ങൾക്കുള്ള നല്ല ഒരു മരുന്നാണ് .

വെളുത്തുള്ളി ചതച്ചു നീരെടുത്തും ചെറുനാരങ്ങനീരും തുല്യഅളവിൽ ചേർത്തു കഴിക്കാം .

ഭക്ഷണത്തിനു മുൻപും പിൻപും അൽപം പോംഗ്രനേറ്റ് കഴിക്കുന്നതും നല്ലതാണ് . മാതളനാരങ്ങാ നല്ല ഒരു മരുന്നാണ് .

Share this on WhatsApp