Welcome to NIRBHAYAM.COM | Kerala’s No. 1 News Portal
December 15, 2025 9:02 pm
Published on April 6, 2017 at 2:18 pm
അമ്മയുടേത് മാത്രമല്ല അച്ഛന്റെ ആഹാരവും കുഞ്ഞിനെ സ്വാധീനിക്കും
ഗര്ഭധാരണത്തിന് മുന്പ് അമ്മ കഴിക്കുന്ന ആഹാരം മാത്രമല്ല, അച്ഛന് കഴിക്കുന്നതും കുഞ്ഞിന്റെ വളര്ച്ചയെ സ്വാധീനിക്കുമെന്ന് പഠനം.
അച്ഛന് കഴിക്കുന്ന ഊര്ജപാനീയങ്ങളും ഫോളിക് ആസിഡ് ഗുളികകളും കുട്ടിയുടെ മാനസികവളര്ച്ചയെ സ്വാധീനിക്കുമെന്നാണ് ശാസ്ത്രപ്രസിദ്ധീകരണമായ മോളിക്യുലാര് സൈക്യാട്രിയില് പ്രസിദ്ധീകരിച്ച പഠന റിപ്പോര്ട്ടില് പറയുന്നത്.
എലികളിലായിരുന്നു ഈ പരീക്ഷണം. ഇവയില് ആണ് എലികള്ക്ക് ഫോളിക് ആസിഡ്, മെഥിയോനിന്, ജീവകം ബി 12 എന്നിവ നല്കി. തുടര്ന്ന് ഇവയ്ക്കുണ്ടായ കുഞ്ഞുങ്ങള്ക്ക് ഓര്മ്മയ്ക്കും കാര്യങ്ങള് മനസ്സിലാക്കുന്നതിനും പ്രശ്നങ്ങളുണ്ടാതായി കണ്ടെത്തുകയായിരുന്നു.
മീഥൈല് ദാതാക്കളായ ഈ ഭക്ഷ്യവസ്തുക്കള് ജനിതകഘടനയെയാണ് സ്വാധീനിച്ചത്. ഈ മാറ്റം ബീജത്തിലൂടെ കുഞ്ഞുങ്ങളിലേക്ക് പകര്ന്നുകിട്ടി. പിന്നീട് ഈ കുഞ്ഞുങ്ങള്ക്കും അച്ഛനു നല്കിയ അതേ ആഹാരം തന്നെ നല്കി വളര്ത്തി. ഇതില് ഇവയുടെ സ്വഭാവത്തിനുമാത്രമല്ല, തലച്ചോറിനും തകരാര് കണ്ടെത്തി. ഓര്മ്മയെ സ്വധീനിക്കുന്ന തലച്ചോറിലെ ഹിപ്പോക്യാമ്പസ് എന്ന ഭാഗത്തെയാണ് ഈ ആഹാരരീതി ബാധിച്ചത്.
എലികളിലെ പരീക്ഷണഫലം മനുഷ്യരുടെ കാര്യത്തിലും സംഭവിക്കാമെന്ന് പഠനത്തിന്റെ ഭാഗമായ ജര്മന് സെന്റര് ഫോര് ന്യൂറോഡീജനറേറ്റിവ് ഡിസീസസിലെ ഡാന് എഹ്നിംഗര് പറയുന്നു.
Leave a Reply