Welcome to NIRBHAYAM.COM | Kerala’s No. 1 News Portal
December 11, 2023 11:48 pm
Published on April 29, 2013 at 5:11 am
ഒബാമക്ക് വിഷം പുരട്ടിയ കത്ത്: ആയോധന പരിശീലകന്‍ അറസ്റ്റില്‍
വാഷിങ്ടണ്‍: അമേരിക്കന്‍ പ്രസിഡന്‍്റ് ബരാക് ഒബാമക്ക് മാരക വിഷം പുരട്ടിയ കത്തയച്ച സംഭവത്തില്‍ ആയോധന പരിശീലകന്‍ അറസ്റ്റില്‍. മിസസിപ്പി സ്വദേശിയായ ആയോധന പരിശീലകന്‍ ജെയിംസ് എവെറെറ്റ് ഡച്കെ എന്ന 41 കാരനാണ് അറസ്റ്റിലായത്.
ചൊവ്വാഴ്ചയും ബുധനാഴ്ചയുമായി ഇയാളുടെ വീട്ടിലും ആയോധന പരിശീലന കേന്ദ്രത്തിലും എഫ്.ബി.ഐ റെയ്ഡ് നടത്തിയിരുന്നു. ഇതിനു ശേഷമായിരുന്നു അറസ്റ്റ്. സംഭവവുമായി ബന്ധപ്പെട്ട് മിസസിപ്പിയിലെ തന്നെ മറ്റൊരാളെ നേരത്തെ അറസ്റ്റ് ചെയ്തിരുന്നു. ഇയാള്‍ കുറ്റക്കാരനല്ലെന്ന് കണ്ടെത്തിയതിനെ തുടര്‍ന്ന് വിട്ടയക്കുകയായിരന്നു.
ഒബാമയുടെ പേരില്‍ വൈറ്റ് ഹൗസിലേക്കയച്ച കത്തിലാണ് മാരകമായ വിഷാംശം കണ്ടെത്തിയത്. വൈറ്റ് ഹൗസിലെത്തിയ കത്തില്‍ തരിതരിയായ വസ്തു കണ്ടതിനെ തുടര്‍ന്ന് നടത്തിയ പ്രാഥമിക പരിശോധനയില്‍ കത്തിലടങ്ങിയിരിക്കുന്നത് റിസിന്‍ എന്ന മാരകവിഷമാണെന്ന് തെളിയുകയായിരുന്നു. യു.എസ് സെനറ്റര്‍ റോജര്‍ വിക്കര്‍ക്കും വിഷാംശമുള്ള കത്ത് ലഭിച്ചിരുന്നു.
Leave a Reply