Welcome to NIRBHAYAM.COM | Kerala’s No. 1 News Portal
August 13, 2026 11:22 pm
Published on March 18, 2017 at 5:00 pm
ഒടുവില് ക്ഷമ ചോദിച്ച് ടൊവിനോ
സോഷ്യല് മീഡിയയിലും മറ്റും കുറച്ചു ദിവസങ്ങളായി നേരിടുന്ന ആക്രമണങ്ങള്ക്കും വിവാദങ്ങള്ക്കും മറുപടിയുമായി നടന് ടൊവിനോ തോമസ് രംഗത്ത്.
തന്റെ പുതിയ ചിത്രം ഒരു മെക്സിക്കന് അപാരതയുടെ പ്രചരണ പരിപാടിക്കിടെ മോശമായി പെരുമാറിയ ആരാധകരിലൊരാളോട് ക്ഷുഭിതനാകുന്ന താരത്തിന്റെ വിഡിയോ സമൂഹമാധ്യമങ്ങളില് പ്രചരിച്ചിരുന്നു. വളരെ സാധാരണമായ ഒരു സംഭവമായിട്ടും ടൊവിനോയ്ക്കെതിരെ സമൂഹമാധ്യങ്ങളില് വിമര്ശനമുയര്ന്നിരുന്നു. ഇപ്പോഴിതാ വിഷയത്തില് പ്രതികരണവുമായി ഒടുവില് ടൊവീനോ തന്നെ രംഗത്തെത്തിയിരിക്കുകയാണ്.
വീട്ടിലൊരാളെയോ കൂട്ടുകാരനെയോ പോലെ കണ്ട് എത്രയോ പേര് സ്നേഹം പ്രകടിപ്പിക്കുന്നതിനിടെ ആരോ ഉപദ്രവിച്ചപ്പോള് പ്രതികരിച്ചിരുന്നു. വേദനിച്ചപ്പോള് ഒരു പച്ചമനുഷ്യനായി പ്രതികരിച്ചുപോയതാണെന്നും അദ്ദേഹം ഫേസ്ബുക്കിലെഴുതിയ കുറിപ്പില് പറയുന്നു.
അത് ജാഡയോ അഹങ്കാരമോ കൊണ്ടായിരുന്നില്ലെന്നും അതാരെയെങ്കിലും വേദനിപ്പിച്ചെങ്കില് ക്ഷമ ചോദിക്കുന്നുവെന്നും ടൊവിനോ വ്യക്തമാക്കി.
ടൊവിനോ തോമസിന്റെ ഫേസ്ബുക്ക് കുറിപ്പ് പൂര്ണരൂപം
പ്രിയപെട്ടവരെ,
നിങ്ങളില് ഒരാളും നിങ്ങളെപ്പോലെ ഒരാളുമാണ് ഞാന്. ആഗ്രഹം കൊണ്ടുമാത്രം സിനിമാക്കൊതി മൂത്ത്, സിനിമയിലെത്തിയ ഒരാള്. പ്രേക്ഷകരില്നിന്ന് നല്ല വാക്കുകള് കേള്ക്കാനാകുന്ന കഥാപാത്രങ്ങള് എന്നും ചെയ്യാന് കഴിയണമെന്നാണ് ഓരോ സിനിമയ്ക്ക് മുന്പും ശേഷവും ആഗ്രഹിക്കുന്നത്.
നല്ല സിനിമകളെ ജീവനുതുല്യം സ്നേഹിക്കുന്ന എത്രയോ പേരുടെ അനുഗ്രഹത്താലാണ് സിനിമയില് നിലനില്ക്കുന്നതെന്ന് നല്ല ബോധ്യമുണ്ട്. പ്രൊമോഷന് വേണ്ടി തീയേറ്ററുകളിലും ക്യാമ്പസുകളിലുമൊക്കെ പോയപ്പോള് എത്രയോ പേര് സിനിമകളോടുള്ള അവരുടെ ഇഷ്ടം ഞങ്ങള്ക്ക് വേണ്ടിയുള്ള കാത്തിരിപ്പും കയ്യടിയുമാക്കി മാറ്റിയിരുന്നു. ഇനിയുള്ള സിനിമകളിലൂടെയും നല്ല കഥാപാത്രങ്ങളിലൂടെയും മാത്രമേ നിങ്ങളുടെ അളവില്ലാത്ത സ്നേഹത്തിനു പകരം നല്കാനാവൂ.
ഇതിനിടയില് ചില മോശം അനുഭവങ്ങള് കൂടിയുണ്ടായി. വീട്ടിലൊരാളെയോ കൂട്ടുകാരനെയോ പോലെ കണ്ട് എത്രയോ പേര് സ്നേഹം പ്രകടിപ്പിക്കുന്നതിനിടെ ആരോ ഉപദ്രവിച്ചപ്പോള് പ്രതികരിച്ചിരുന്നു. വേദനിച്ചപ്പോള് ഒരു പച്ചമനുഷ്യനായി പ്രതികരിച്ചുപോയതാണ്.
അത് ജാടയോ അഹങ്കാരമോ കൊണ്ടായിരുന്നില്ല . അതാരെയെങ്കിലും വേദനിപ്പിച്ചെങ്കില് ക്ഷമ ചോദിക്കുന്നു. സിനിമയ്ക്കൊരു സത്യമുണ്ട്. നല്ല സിനിമകളും നല്ല കഥാപാത്രങ്ങളും മാത്രമേ എല്ലാ കാലത്തേക്കും നിലനില്ക്കൂ. മറ്റെല്ലാം കാലം തെളിയിക്കട്ടെ.
Leave a Reply