Welcome to NIRBHAYAM.COM | Kerala’s No. 1 News Portal
April 26, 2024 8:51 pm
Published on October 13, 2015 at 4:28 pm
റിമി ടോമിക്ക് പിന്നാലെ മഞ്ജരിയും സിനിമയിലേക്ക്…!!
ഗായിക റിമി ടോമിക്ക് പിന്നാലെ മഞ്ജരിയും സിനിമയിലേക്ക് എത്തുമോ..? ഈ ചോദ്യം എല്ലാവരുടെയും മനസ്സിലുണ്ട്.സിനിമയില്‍ അഭിനയിക്കാന്‍ സംവിധായകന്‍ വികെ പ്രകാശും മഞ്ജരിയെ ക്ഷണിച്ചു കഴിഞ്ഞു. നന്നായി അഭിനയിക്കാന്‍ കഴിവുള്ള ഗായികയാണ് മഞ്ജരി എന്നാണ് വികെപി പറയുന്നത്. വികെ പ്രകാശിന്റെ സംഗീത ആല്‍ബത്തില്‍ മഞ്ജരി അതു തെളിയിച്ചു കഴിഞ്ഞു. വികെ പ്രകാശിന്റെ സംവിധാനത്തില്‍ ഒരുങ്ങിയ ‘അനുരാഗം’ എന്ന സംഗീത ആല്‍ബത്തില്‍ പാടി അഭിനയിച്ചിരിക്കുന്നത് മഞ്ജരിയാണ്. ആല്‍ബം യൂട്യൂബില്‍ ഇതിനോടകം ഹിറ്റായി കഴിഞ്ഞു. വികെപി നിര്‍ബന്ധിച്ചതു കൊണ്ടാണ് താന്‍ ആല്‍ബത്തില്‍ അഭിനയിച്ചതെന്നാണ് മഞ്ജരി പറയുന്നത്. അഭിനയിക്കാന്‍ നല്ല ടെന്‍ഷനുണ്ടായിരുന്നു. വികെപി സാറും അനുരാഗത്തിന്റെ ടീമും നന്നായി പിന്തുണച്ചതു കൊണ്ടാണ് അഭിനയിച്ചതെന്നും മഞ്ജരി.
മഞ്ജരി സിനിമയിലേക്ക് വരികയാണെങ്കില്‍ നല്ല അവസരങ്ങള്‍ ലഭിക്കുമെന്നും പറഞ്ഞു കൊടുക്കുന്നത് പെട്ടെന്ന് മനസ്സിലാക്കി അഭിനയിക്കാന്‍ മഞ്ജരിക്ക് സാധിക്കുമെന്നും അതുകൊണ്ടുതന്നെ മഞ്ജരി സിനിമയിലേക്ക് വരണമെന്നുമാണ് വികെപി പറയുന്നത്.
സിനിമയില്‍ പാടിത്തുടങ്ങിയ സമയത്ത് സിനിമയില്‍ നിന്നും ഓഫറുകള്‍ ഒരുപാട് വന്നിട്ടുണ്ടെന്ന് മഞ്ജരി പറയുന്നു. എന്നാല്‍, തനിക്ക് ഇണങ്ങുന്ന വേഷം ഇതുവരെ കിട്ടിയിട്ടില്ല. നല്ലൊരു വേഷം ലഭിക്കുകയാണെങ്കില്‍ സിനിമയിലേക്ക് തീര്‍ച്ചയായും വരുമെന്നാണ് മഞ്ജരി പറയുന്നത്.കുടുംബത്തിന്റെ പിന്തുണ തനിക്കുണ്ട്. എന്നാല്‍, താന്‍ എടുക്കുന്ന തീരുമാനങ്ങള്‍ കുടുംബ ജീവിതത്തെ ബാധിക്കാതെ നോക്കണം. അതാണ് ഏറ്റവും പ്രധാനമെന്നും മഞ്ജരി പറയുന്നു. എല്ലാവരും പോസിറ്റീവ് എനര്‍ജി മാത്രമേ തന്നിട്ടുള്ളൂവെന്നും ഗായിക പറഞ്ഞു
Leave a Reply