Welcome to NIRBHAYAM.COM | Kerala’s No. 1 News Portal
April 25, 2024 11:37 am
Published on September 7, 2015 at 2:49 pm
ഭൂമിയിലെ മഞ്ഞെല്ലാം ഉരുകിത്തീര്‍ന്നാല്‍ ആഗോളഭൂപടം എങ്ങനെയാവും? വീഡിയോ
അന്തരീക്ഷ ഊഷ്മാവിന്റെ വര്‍ധനവ് അന്റാര്‍ട്ടിക്കയിലെ മഞ്ഞുരുകലിന്റെ വേഗം കൂട്ടുന്നുവെന്നും തത്ഫലമായി സമുദ്രനിരപ്പ് ഉയരുന്നുവെന്നും അതുമൂലം പലരാജ്യങ്ങളും നഗരങ്ങളും വെള്ളത്തിനടിയാലാവുമെന്നുമുള്ള പഠനങ്ങള്‍ നേരത്തെ വന്നിട്ടുണ്ട്.ഭൂമിയില്‍ ഇനി അവശേഷിക്കുന്ന മഞ്ഞെല്ലാം ഉരുകിത്തീര്‍ന്നാല്‍ പിന്നെ എന്താവും ഭുമിയുടെ അവസ്ഥ? ഈ ചോദ്യത്തിനുത്തരമാണ് ബിസിനസ് ഇന്‍സൈഡര്‍ പ്രസിദ്ധീകരിച്ച വീഡിയോ.
യൂറോപ്പിലെ വെനീസ്, ഇസ്താംബൂള്‍, ലണ്ടന്‍, ബ്രസല്‍സ് എന്നീ നഗരങ്ങള്‍ ഭൂമുഖത്തുനിന്നുതന്നെ അപ്രത്യക്ഷമായേക്കും. അമേരിക്കയിലെ സിയാറ്റില്‍, മിയാമി, ന്യൂയോര്‍ക്ക്, വാഷിംഗ്ടണ്‍ ഡിസി എന്നീ നഗരങ്ങളും ഭീഷണിയുടെ നിഴലിലാണ്.ഇന്ത്യയുടെ ഭൂപടത്തിന്റെ രൂപവും ഈ ആഗോളതാപനം മാറ്റിമറിയ്ക്കും. മുംബൈ, കൊല്‍ക്കത്ത നഗരങ്ങളുടെ സ്ഥാനത്ത് വെറും കടല്‍ മാത്രമായേക്കാം.
ആഗോളതാപനം ഇപ്പോഴത്തെ നിലയില്‍ തുടര്‍ന്നാല്‍ ഒന്നോ രണ്ടോ നൂറ്റാണ്ടുകള്‍ക്കിടെ അല്ലെങ്കില്‍ ഒരു ആയിരം വര്‍ഷംകൊണ്ട് അത് സംഭവിക്കാമെന്ന് ഈ വീഡിയോ പറയുന്നു. ഭയാനകത ജനിപ്പിക്കുന്ന പശ്ചാത്തല സംഗീതം ഭൂമുഖത്തെ തേടിയെത്താന്‍ പോകുന്ന ദുരന്തത്തിന്റെ വ്യാപ്തി മനുഷ്യരെ അതിന്റെ അര്‍ത്ഥത്തില്‍ ബോധ്യപ്പെടുത്തുന്നു.
Leave a Reply