Welcome to NIRBHAYAM.COM | Kerala’s No. 1 News Portal
May 13, 2026 9:33 am
Published on June 11, 2015 at 4:27 pm
ശീലിക്കാം മഴക്കാല ഭക്ഷണ ക്രമങ്ങൾ
മഴ പെയ്യുമ്പോള് വിശപ്പും കൂടും, ഇനിയിപ്പോ വിശന്നില്ലെങ്കിലും മഴക്കാലത്ത് വെറുതെ എന്തെങ്കിലും കൊറിക്കാനാഗ്രഹിക്കുന്നവരാണ് മിക്കവരും.പ്രത്യേകിച്ചു വറുത്തതും പൊരിച്ചതുമെല്ലാം കഴിയ്ക്കാനാണ് കൂടുതല് തോന്നുക. കാര്യമിതൊക്കെയാണെങ്കിലും മഴക്കാലം അസുഖങ്ങള് വരാന് സാധ്യതയുള്ളൊരു സമയമാണ്. പ്രത്യേകിച്ചു ഭക്ഷണത്തിലൂടെയും വെള്ളത്തിലൂടെയും.ഇതുകൊണ്ടുതന്നെ മഴക്കാലത്ത് ഒഴിവാക്കേണ്ട ചില ഭക്ഷണങ്ങളുമുണ്ട്. നമുക്കു പ്രിയമുള്ളവയെങ്കിലും ആരോഗ്യത്തിന് നല്ലതല്ലാത്തവ, മഴക്കാലത്ത് എളുപ്പം അസുഖങ്ങള് കൊണ്ടുവരുന്നവ.
ബജി, പക്കോഡ
വറുത്ത ബജിയും പക്കോഡയുമെല്ലാം മഴക്കാലത്തു കഴിയ്ക്കാന് രുചിയേറും. എന്നാല് മഴയും തണുപ്പുമെല്ലാം ദഹനപ്രക്രിയ സാവധാനത്തിലാക്കുന്നു. ഇതുകൊണ്ടുതന്നെ ഇവ ഒഴിവാക്കുന്നതാണു നല്ലത്.
–
ചാട്ട്
മഴക്കാലത്തു കഴിയ്ക്കാന് രുചിയേറുന്ന മറ്റൊരു ഭക്ഷണമാണ് ചാട്ട്. ഇവ കടകളില് നിന്നും വാങ്ങിക്കഴിയ്ക്കുന്നതു കുഴപ്പമില്ല. എന്നാല് വഴിവക്കുകളില് നിന്നും കഴിയ്ക്കുന്നത് അത്ര നല്ലതാകില്ല. കാരണം ഈച്ചകളും മറ്റും വന്നിരിയ്ക്കാനും വെള്ളത്തില് നിന്നുള്ള മലിനീകരണത്തിനുമെല്ലാം ഈ സമയത്തു സാധ്യതയേറെയാണ്. ഇവയില് ധാരാളം മസാലകള് ചേര്ക്കുന്നതു കൊണ്ടും ഇവ മഴക്കാലത്തു കഴിയ്ക്കാവുന്ന ഭക്ഷണമാണെന്നു പറയാനാവില്ല
സമോസ
സമോസയാണ് മഴക്കാലത്തു കൊതിപ്പിയ്ക്കുന്നതും എന്നാല് ഒഴിവാക്കേണ്ടതുമായ മറ്റൊരു ഭക്ഷണം. ഇവയും ദഹനത്തിനു ബുദ്ധിമുട്ടുണ്ടാക്കുന്ന ഒന്നാണ്. ഇവ പതിവാക്കുന്നവര്ക്ക് അസിഡിറ്റി, പ്രമേഹം, അമിതവണ്ണം തുടങ്ങിയവയ്ക്കുളള സാധ്യത അധിക മാണ്
ഇലക്കറികള്
ഇലക്കറികള് ആരോഗ്യത്തിനു ഗുണകരമാണ്. എന്നാല് മഴക്കാലത്ത് ഇവ നല്ലപോലെ വൃത്തിയാക്കി ഉപയോഗിച്ചില്ലെങ്കില് അസുഖങ്ങള് വരാന് സാധ്യയേറെയാണ്.
–
ഇന്ഡോ-ചൈനീസ് ഭക്ഷണങ്ങള്
ഇന്ഡോ-ചൈനീസ് ഭക്ഷണങ്ങള് കൂടുതല് കൂട്ടുകളുള്ളവയാണ്. ഇവ മഴക്കാലത്തു കഴിയ്ക്കാന് രുചിയേറുമെങ്കിലും ദഹിയ്ക്കാന് ബുദ്ധിമുട്ടുള്ളവയാണ്. എണ്ണയും അജിനോമോട്ടോ പോലുള്ള ഘടകങ്ങളും ചൈനീസ് രൂചികളില് കൂടുതലാണ്.
ഫ്രഷ് ജ്യൂസുകള്
ഫ്രഷ് ജ്യൂസുകള് ആരോഗ്യത്തിനു ഗുണകരമാണെങ്കിലും മഴക്കാലത്തു ഫ്രഷ് ജ്യൂസുകള് കുടിയ്ക്കുന്നത് നല്ല പഴവര്ഗങ്ങളുടേതാണെന്നുറപ്പു വരുത്തി വേണം ചെയ്യാന്. അല്ലാത്ത പക്ഷം വയറിന് അസുഖങ്ങള് വരാന് സാധ്യതയേറെയാണ്.
–
Leave a Reply