Welcome to NIRBHAYAM.COM | Kerala’s No. 1 News Portal
May 21, 2025 1:26 pm
Published on May 9, 2016 at 4:12 pm
അച്ഛനാടാ പറയണേ… അമ്പലത്തില് വാടാ: കണ്ണ് നനയിക്കും ജയസൂര്യയുടെ ഈ പോസ്റ്റ്…!!
മെയ് 8 ഞായറാഴിച്ചയായിരുന്നു ഈ വര്‍ഷത്തെ മാതൃദിനം. സോഷ്യല്‍ മീഡിയകളില്‍ മാതൃദിനം ഒരു ഉത്സവം പോലെ ആഘോഷിച്ചു..നടന്‍ ജയസൂര്യയും ഫേസ്ബുക്കില്‍ ഇട്ടു ഒരു മാതൃദിന പോസ്റ്റ്. സ്വന്തം അമ്മയെക്കുറിച്ചായിരുന്നില്ല ആ പോസ്റ്റ് എന്ന് മാത്രം. അമ്പലത്തില് വരാൻ മകൻ കൂട്ടാക്കാത്തതിനെ തുടർന്ന് വീട്ടിൽ നടന്ന ഒരു ചെറിയ സംഭവത്തെ കുറിച്ചാണ് ജയസൂര്യ എഴുതിയതെങ്കിലും, മകനെ കുറിച്ച് അച്ഛനെഴുതിയ ഒരു കുഞ്ഞു കഥ എന്നു വേണമെങ്കിൽ പറയാം. നമ്മുടെ ജീവിതത്തിലെ തീർത്തും ചെറുതെന്ന് കരുതുന്ന കാര്യങ്ങൾക്കുള്ളിൽ ഒളിഞ്ഞിരിക്കുന്ന സ്നേഹക്കൂടാരത്തെ ഓർമപ്പെടുത്തുന്നു ഈ പോസ്റ്റ്. …
ജയസൂര്യയുടെ പോസ്റ്റ് വായിക്കാം…
അച്ഛനാടാ … പറയണേ… അമ്പലത്തില് വാടാ…’
ഇന്നലെ ഉച്ചയക്ക് ഷൂട്ടിംങ്ങിനിടയില്‍ നിന്ന് കുറച്ച് GAP കിട്ടിയപ്പോള്‍ഞാന്‍ വാഗമണില്‍ നിന്നും വീട്ടിലെത്തി. സന്ധ്യയായപ്പൊ എല്ലാവരെയും കൂട്ടി ഒന്ന് എറണാകുളം അമ്പലത്തില് പോകാന്ന് വിചാരിച്ചു.സരിത വന്ന് പറഞ്ഞു ദേ… ജയാ… ആദി വരണില്ലാന്ന് … ഒന്ന് പറയ്,, ഉവ്വാ…എന്റെ മോനല്ലേ… ഞാന്‍ പറഞ്ഞാ കേട്ടത് തന്നെ: പിറ്റേ ദിവസം ഷൂട്ടിങ്ങിന് കേടുപാടില്ലാതെ പോകേണ്ടതുകൊണ്ട് ഞാന്‍ അത് അവളോട് പറഞ്ഞില്ല.. ഒരു അച്ഛന്റെ ഒടുക്കത്തെ ജാഡയില്‍ ഞാന്‍ അവനെ വിളിച്ചു… എന്താ … ആദി അമ്പലത്തില് വരാത്തേ.. അവന്‍ ഒന്നും മിണ്ടുന്നില്ല,, എന്താ… വരാത്തേന്നാ ചോദിച്ചേ…. എല്ലാവരും എറങ്ങി നിക്കണ കണ്ടില്ലേ.. ‘ഞാന്‍ വരണില്ലഛാ’ ആദി… എന്നെ ദേഷ്യം പിടിപ്പിയക്കരുത്.. പിന്നെയും നീ അതാണ്,,ഇതാണ് എന്നൊക്കെ പറഞ്ഞ് ഞാന്‍ നല്ല ചീത്ത കൊടുത്തു… അവന്റെ കണ്ണ് നിറയുന്നുണ്ടായിരുന്നു..ഞങ്ങള് അമ്പലത്തിലേയ്ക്ക് പോയി എനിയ്ക്ക് രാമവര്‍മ്മ ക്ലബില്‍ ഒരു ചെറിയ പരിപാടിയും ഉണ്ടായിരുന്നു.എല്ലാം കഴിഞ്ഞ് വീടെത്തിയപ്പോ രാത്രി 10 മണിയായി.എല്ലാവരും കൂടി ഇരുന്ന് ഭക്ഷണംകഴിയ്ക്കുമ്പോ ഞാന്‍ വീട്ടില്‍ നിക്കുന്ന റോസമ്മ ചേച്ചിയോട് ചോദിച്ചു ‘ആദി കഴിച്ചോന്ന് ‘ ഇല്ല മോനേ…കൊറെ വിളിച്ച് വന്നില്ല… ഞാന്‍ മോളീ ചെന്ന് നോക്കിയപ്പാ…ആള് ഒറങ്ങി. അതും പറഞ്ഞ് ചേച്ചി അടുക്കളയിലേക്കും പോയി. പിന്നേം ഞങ്ങളെല്ലാവരും കൂടി കുറേ നേരം സംസാരിച്ച് റൂമിലേയ്ക്ക് കയറിയപ്പൊ പന്ത്രണ്ടരയായി.തലയണയില്‍ നിന്നും അവന്റെ തല മാറി കിടക്കായിരുന്നു ഞാന്‍ തലനേരെയായ്ക്കിയപ്പോ തലയണയുടെ അടിയില്‍… എന്തോ ഒരു കവറ്. അത് open ചെയ്ത് നോക്കിയപ്പോ അവന്‍ അതില്‍ മൂന്ന് പടങ്ങളും വരച്ച് happy mothers day.. i love u amma.. n acha..n veda.. by aadi..എന്ന് എഴുതിയേക്കണു ഒരു നിമിഷത്തേയ്ക്ക് ഞാന്‍ Blank ആയിപ്പോയി. ഞാന്‍ അവനെത്തന്നെ നോക്കി.. ‘ഇത് ചെയ്യാനായിരുന്നോ മോനേ നീ അമ്പലത്തിലേയ്ക്ക് പോലുംവരാതിരുന്നേ’..എന്റെ കണ്ണ് ശരിക്കും നിറഞ്ഞ് പോയി. ഉറങ്ങി കിടക്കുന്ന അവനെ ഉമ്മവെയ്ക്കാന്‍ മാത്രമേ എനിയ്ക്ക് പറ്റിയുള്ളു.. ‘ഉറങ്ങിക്കിടക്കുമ്പോഴല്ല നമ്മള്‍ സ്‌നേഹിയ്‌ക്കേണ്ടത് ഉണര്‍ന്നിരിക്കുമ്പോഴാണ് എന്ന് ഞാന്‍ അപ്പോ തിരിച്ചറിഞ്ഞു. കുഞ്ഞുങ്ങള്‍ ആയിരിക്കുമ്പോള്‍ അവര്‍ അമ്മയെ ശരിയ്ക്കും സ്‌നേഹിയ്ക്കാറുണ്ട് പ്രായം കൂടുമ്പോഴോ ….?നമ്മള്‍ എത്ര വലുതായാലും അമ്മയെ സ്‌നേഹിയ്ക്കുന്ന ആ കുഞ്ഞുമനസ്സ് മാത്രം വലുതാകാതിരുന്നാല്‍ മതി, അത് മാത്രം മതി ആ അമ്മയ്ക്ക്… ‘Happy mother’s Day
Leave a Reply