Welcome to NIRBHAYAM.COM | Kerala’s No. 1 News Portal
November 8, 2026 4:08 pm
Published on May 13, 2014 at 4:20 pm
ഹയർസെക്കൻഡറി പരീക്ഷാ ഫലം പ്രഖ്യാപിച്ചു ;79.39 ശതമാനം വിജയം
തിരുവനന്തപുരം: സംസ്ഥാന ഹയര്‍സെക്കന്‍ഡറി പരീക്ഷാഫലം പ്രഖ്യാപിച്ചു. വിദ്യാഭ്യാസ മന്ത്രി പി.കെ അബ്ദുറബ്ബാണ് ഫലപ്രഖ്യാപനം നടത്തിയത്. 79.39 ശതമാനം പേർ ഇത്തവണ ഉന്നത വിദ്യാഭ്യാസത്തിന് യോഗ്യത നേടി.കഴിഞ്ഞ വർഷത്തെ അപേക്ഷിച്ച് ഈ വർഷം വിജയ ശതമാനം കുറവാണ് (2013 ൽ 81.34 ശതമാനമായിരുന്നു വിജയം).ഏറ്റവും കൂടുതല്‍ വിജയശതമാനം എറണാകുളം ജില്ലയിലും (84.39)ഏറ്റവും കുറവ് പത്തനം തിട്ട (71.73) ജില്ലയിലുമാണ്.
വി.എച്ച്.എസ്സ്.സി വിഭാഗത്തില്‍ 74.81 ശതമാനം പേരാണ് വിജയിച്ചത്. ഏറ്റവും കൂടുതല്‍ എ പ്ളസ് നേടിയത് പട്ടം സെന്‍റ് മേരീസ് ഹയര്‍സെക്കന്‍ഡറി സ്കൂളിലാണ്( 91.67%). സർക്കാർ സ്കൂളുകളിൽ 78.77 ശതമാനവും എയ്ഡഡ് സ്‌കൂളുകളില്‍ 82 ശതമാനവും അണ്‍എയ്ഡഡ് സ്‌കൂളുകളില്‍ 69.75 ശതമാനവും പേരാണ് വിജയിച്ചത്.സംസ്ഥാനത്ത് 40 സ്‌കൂളുകള്‍ 100 ശതമാനം വിജയം നേടിയിട്ടുണ്ട്.സേ പരീക്ഷക്ക് അപേക്ഷിക്കുന്നതിനുള്ള അവസാന തീയതി മേയ് 20 ആണെന്ന് മന്ത്രി അറിയിച്ചു.
