Welcome to NIRBHAYAM.COM | Kerala’s No. 1 News Portal
October 26, 2026 12:15 am
Published on October 31, 2013 at 12:22 pm
ആശാറാം ബാപ്പു തന്നെപ്പോലും ഇതുവരെ തൊട്ടിട്ടില്ല എന്ന് ഭാര്യ
സൂറത്ത്: വിവാദ ആള്‍ദൈവം ആശാറാം ബാപ്പു ഇത്രയും കാലമായി എന്നെപ്പോലും തൊട്ടിട്ടില്ലാത്തയാളാണ് തന്റെ ഭര്‍ത്താവ് എന്നിട്ടും അദ്ദേഹം എങ്ങിനെയാണ് പീഡനക്കേസില്‍ പ്രതിയായത് എന്ന് മനസ്സിലാകുന്നില്ല എന്നും അങ്ങനെ ഒരാൾ മറ്റൊരു പെണ്ണിനെ ബലാത്സംഗം ചെയ്യുന്നത് എങ്ങിനെയാണ് എന്നും ആശാറാം ബാപ്പുവിന്റെ ഭാര്യ ലക്ഷ്മി ചോദിക്കുന്നു. ആശാറാം ബാപ്പു ഇതുവരെയായി യാതൊരുതരത്തിലുള്ള ലൈംഗിക അതിക്രമങ്ങളും ചെയ്തിട്ടില്ല എന്ന് ലക്ഷ്മി ഉറപ്പിച്ചു പറഞ്ഞതായും ‘ഡെയ്‌ലി ഭാസ്‌കര്‍’ പത്രം റിപ്പോര്‍ട്ട് ചെയ്യുന്നു. പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ ജയിലില്‍ കഴിയുന്ന ആശാറാം ബാപ്പുവിന് സഹായ ഹസ്തവുമായി ഭാര്യ ലക്ഷ്മി അപ്രതീക്ഷിതമായാണ് രംഗത്തുവന്നിരിക്കുന്നത്. അതേസമയം താന്‍ നിരപരാധിത്വം തെളിയിച്ച് പുറത്തുവരുന്നത് വരെ കാത്തിരിക്കണം എന്നാണ് ആശാറാം അനുയായികളോട് പറയുന്നത്. തന്നിലുള്ള വിശ്വാസം നഷ്ടപ്പെടുത്തരുത് എന്നും ആരോപണങ്ങള്‍ തെറ്റാണെന്ന് തെളിയിക്കാന്‍ തനിക്ക് സാധിക്കും എന്നും, എല്ലാ പ്രശ്‌നങ്ങളും തീര്‍ത്ത് ഭക്തര്‍ക്ക് ഉടന്‍ തന്നെ ദര്‍ശനം ന്ല്‍കുന്നതാണ് എന്നുമാണ് ശിഷ്യന്മാര്‍ വഴി ആശാറാം ഭക്തരെ അറിയിച്ചത്. ആശാറാം ബാപ്പുവിനെതിരെ മാത്രമല്ല, മകന്‍ നാരായണ്‍ സായിക്കെതിരെയും ഗുരുതരമായ ലൈംഗിക ആരോപണങ്ങള്‍ ഉയര്‍ന്നിട്ടുണ്ട്. ഒളിവില്‍ കഴിയുന്ന സായിക്ക് വേണ്ടി പോലീസ് തിരച്ചില്‍ ശക്തമാക്കിയിട്ടുണ്ട്. നാരായണ്‍ സായി ഉണ്ടാകാനിടയുള്ള എട്ടോളം സ്ഥലങ്ങള്‍ ഗുജറാത്ത് പോലീസ് റെയ്ഡ് ചെയ്‌തെങ്കിലും ഫലമുണ്ടായില്ല.
Leave a Reply