Welcome to NIRBHAYAM.COM | Kerala’s No. 1 News Portal
December 8, 2025 10:12 am
Published on May 31, 2017 at 4:50 pm
കഴുത്തറുപ്പന് ബാങ്കുകളുടെ അക്കൗണ്ട് ഇനി ക്ലോസ് ചെയ്യേണ്ട; ബാങ്ക് അക്കൗണ്ട് പോര്ട്ട് ചെയ്യാം
ന്യൂഡല്ഹി: മൊബൈല് സേവനദാതാക്കളുടെ സേവനം മോശമായാല് നമ്മള് ഉടന് നമ്പര് പോര്ട്ടു ചെയ്യും. നമുക്ക് ഏറെ സൗകര്യമുള്ള മറ്റൊരു സേവനദാതാവിനെ തെരഞ്ഞെടുക്കും.
എന്നാല് ഇത്തരത്തില് ഈയിടെ ആളുകള് ചിന്തിച്ചത് ബാങ്ക് അക്കൗണ്ടുകളും ഇത്തരത്തില് മാറ്റാന് സാധിക്കുമോ എന്നതിനെ കുറിച്ചായിരിക്കണം. കാരണം പല ബാങ്കുകളും ഇന്ന് കഴുത്തറുപ്പന് സമീപനമാണ് കൊണ്ടുനടക്കുന്നത്.
ഇപ്പോഴിതാ ഈ കാര്യവും യാഥാര്ത്ഥ്യമാകാന് പോകുകയാണ്. റിസര്വ് ബാങ്ക് തന്നെ ഇക്കാര്യത്തില് ഉറപ്പു നല്കിയിരിക്കുകയാണ്. അക്കൗണ്ട് നമ്പര് മാറാതെ തന്നെ ബാങ്കുകള് മാറാനുള്ള സംവിധാനം ഉടന് നിലവില് വരുമെന്നാണ് ആര്.ബി.ഐ അറിയിച്ചത്.
അക്കൗണ്ട് നമ്പര് നിലനിര്ത്തിക്കൊണ്ടുതന്നെ ഉപഭോക്താക്കള്ക്ക് ഇഷ്ടവും സൗകര്യപ്രദവുമായ ബാങ്കുകളിലേക്ക് സേവനം മാറ്റാനുള്ള സൗകര്യമാണ് റിസര്വ് ബാങ്ക് കൊണ്ടുവരുന്നത്.
ആര്.ബി.ഐ ഡെപ്യൂട്ട് ഗവര്ണര് എസ്.എസ് മുന്ദ്രയുടേതാണ് ഈ ആശയം. ഈ നീക്കത്തിനായുള്ള നടപടികളിലാണ് ബാങ്കുകളെന്നും അദ്ദേഹം അറിയിച്ചു.
ബുദ്ധിമുട്ടു നേരിടുന്ന ഉപയോക്താക്കള്ക്ക് ഒരു ബാങ്കില് നിന്നും മറ്റൊരു ബാങ്കിലേക്ക് അക്കൗണ്ട് മാറ്റാനുള്ള സൗകര്യം അടുത്തുതന്നെ യാഥാര്ത്ഥ്യമാകുമെന്നാണ് ബാങ്കിങ് കോഡ്സ് ആന്റ് സ്റ്റാന്റേര്ഡ് ബോര്ഡ് ഓഫ് ഇന്ത്യ സംഘടിപ്പിച്ച പരിപാടിയില് സംസാരിക്കവെ മുന്ദ്ര പറഞ്ഞത്.
Leave a Reply