Welcome to NIRBHAYAM.COM | Kerala’s No. 1 News Portal
August 14, 2026 6:29 pm
Published on June 22, 2017 at 12:58 pm
പീഡിപ്പിച്ചവരെ അറസ്റ്റ് ചെയ്യാം, പക്ഷേ തനിക്കു വഴങ്ങണമെന്ന് യുവതിയോട് എസ്.ഐ
രാംപുര്: കൂട്ട മാനഭംഗത്തിന് ഇരയായ സംഭവത്തില് സഹായം അപേക്ഷിച്ചെത്തിയ യുവതിയോട്, കേസെടുത്ത് പ്രതികളെ അറസ്റ്റ് ചെയ്യണമെങ്കില് താനുമായി ലൈംഗിക ബന്ധത്തിനു സമ്മതിക്കണമെന്നു പൊലീസ് ഉദ്യോഗസ്ഥന്.
ഉത്തര്പ്രദേശ് രാംപുരിലെ ഗഞ്ച് പൊലീസ് സ്റ്റേഷനിലാണു രാജ്യത്തിന് നാണക്കേടുണ്ടാക്കിയ സംഭവമുണ്ടായത്. സംഭവത്തില് പൊലീസ് ഓഫീസര്ക്കെതിരെ അന്വേഷണം ആരംഭിച്ചതായി ദേശീയ മാധ്യമം റിപ്പോര്ട്ടു ചെയ്തു.
മുപ്പത്തിയേഴുകാരിയായ സ്ത്രീക്കാണു ഈ ദുരനുഭവമുണ്ടായത്. രണ്ടുപേരാല് പീഡിപ്പിക്കപ്പെട്ട യുവതി, ആക്രമികളില്നിന്നു രക്ഷപ്പെടാനായാണു ഗഞ്ച് പൊലീസ് സ്റ്റേഷനില് അഭയം തേടിയത്. തന്നെ മാനഭംഗപ്പെടുത്തിയവര് പിന്നാലെയുണ്ടെന്നും അവരെ അറസ്റ്റുചെയ്തു തന്നെ രക്ഷിക്കണമെന്നും സ്റ്റേഷനിലുണ്ടായിരുന്ന എസ്.ഐ ജയ്പ്രകാശ് സിങ്ങിനോടു യുവതി ആവശ്യപ്പെട്ടു.
എന്നാല് എസ്.ഐയുടെ പ്രതികരണം ഞെട്ടിക്കുന്നതായിരുന്നു. താനുമായി ആദ്യം ലൈംഗികബന്ധത്തിലേര്പ്പെട്ട ശേഷം കേസില് നടപടിയെടുക്കാമെന്നാണ് എസ്.ഐ പറഞ്ഞത്.
എന്നാല് ഇതിന് വിസമ്മതിച്ച യുവതിയുടെ കേസ് ഫയല് അവസാനിപ്പിച്ചാണ് എസ്.ഐ പകരംവീട്ടിയത്. പിന്നീട് കോടതി ഇടപെട്ടപ്പോഴാണു കേസെടുത്തത്. ഇതിനിടെ യുവതിയുടെ ഫോണിലേക്കു നിരന്തരം വിളിച്ചു ലൈംഗിക ബന്ധത്തിനു സമ്മതമാണോ എന്നു ഇയാള് ചോദിച്ചുകൊണ്ടിരുന്നു.
വീട്ടില് ഒറ്റയ്ക്കാണെന്നും വരണമെന്നും യുവതിയോട് എസ്.ഐ ആവശ്യപ്പെട്ടു. നിസഹായയായ യുവതി കേസിന്റെ നടത്തിപ്പിനായി വീണ്ടും ഇതേ പൊലീസ് ഉദ്യോഗസ്ഥനെത്തന്നെ സമീപിച്ചു. എസ്.ഐയുടെ നിലപാടില് മാറ്റമില്ലായിരുന്നു. തുടര്ന്ന് യുവതി എസ്.ഐയുടെ സംഭാഷണം രഹസ്യമായി റെക്കോര്ഡ് ചെയ്ത് ഇതിന്റെ സിഡിയുമായി ഇവര് നേരിട്ടു എസ്.പിയെ കണ്ടു പരാതി നല്കുകയായിരുന്നു.
എസ്.പി ഉടനെ അന്വേഷണത്തിന് ഉത്തരവിട്ടു. യുവതിയുടെ പരാതിപ്രകാരം ഗഞ്ച് സ്റ്റേഷന് എസ്.ഐയ്ക്കെതിരെ അന്വേഷണം നടത്തി റിപ്പോര്ട്ടു നല്കാന് ഉത്തരവിട്ടിട്ടുണ്ടെന്ന് എ.എസ്.പി സുധാ സിങ് പറഞ്ഞു.
ഫെബ്രുവരി 12നാണു യുവതിക്കെതിരെ പീഡനം നടന്നതെന്നു പൊലീസ് വ്യക്തമാക്കി. യുവതിയെ അറിയാവുന്ന ഒരാളും വേറൊരാളും ചേര്ന്നാണു മാനഭംഗപ്പെടുത്തിയത്. ബന്ധുവിനെ സന്ദര്ശിച്ചു രാംപുര് സിറ്റിയിലേക്കു മടങ്ങവെ രാത്രിയിലായിരുന്നു സംഭവം. യുവതിക്കു വാഹനത്തില് ഇടംകൊടുത്ത ഇരുവരും യാത്രയ്ക്കിടെ തോക്കുചൂണ്ടി പീഡിപ്പിക്കുകയായിരുന്നു.
പ്രാദേശിക കോടതി ഇടപെടലിനെ തുടര്ന്ന് ഒരാഴ്ച കഴിഞ്ഞാണ് പൊലീസ് എഫ്.ഐ.ആര് രജിസ്റ്റര് ചെയ്തത്. ഫെബ്രുവരി 21ന് പ്രതികളായ അമീര് അഹമ്മദ് (55), സത്താര് അഹമ്മദ് (45) എന്നിവരെ അറസ്റ്റു ചെയ്തു. കേസിന്റെ ആവശ്യത്തിനെന്ന വ്യാജേന നിരന്തരം വിളിച്ചുവരുത്തി എസ്.ഐ പീഡനവിവരങ്ങള് ചോദിച്ചു രസിച്ചിരുന്നതായും പ്രതിളെ അറസ്റ്റ് ചെയ്യണമെങ്കില് ആഗ്രഹം സാധിച്ചുതരണമെന്ന് ആവശ്യപ്പെട്ടിരുന്നതായും പരാതിക്കാരിയായ യുവതി പറഞ്ഞു.
Leave a Reply