Welcome to NIRBHAYAM.COM | Kerala’s No. 1 News Portal
ഏറെ നാളായി വാട്ട്സ്ആപ്പ് ഉപയോഗിക്കുന്നവരുടെ ഒരു പ്രശ്നമാണ് അബദ്ധത്തില് അയച്ച മെസ്സേജുകള് തിരിച്ചെടുക്കാന് കഴിയില്ല എന്നത്. ഒരിക്കല് അയച്ചു കഴിഞ്ഞാല് പിന്നീട് എന്തുതന്നെ ചെയ്താലും തിരിച്ചെടുക്കാന് പറ്റില്ല. ചിലപ്പോഴെങ്കിലും അബദ്ധത്തില് തെറ്റായ സന്ദേശങ്ങള് അയച്ചു പോകുമ്പോള് ഇതുകൊണ്ട് ബുദ്ധിമുട്ട് വരാറുണ്ട്. ഈ ഒരു പ്രശ്നത്തിന് പരിഹാരവുമായി ഉടന് തന്നെ പുതിയ വാട്സാപ്പ് പതിപ്പ് ഇറങ്ങാന് പോകുകയാണ്.
ആന്ഡ്രോയിഡ് ഐ ഒഎസ് പ്ലാറ്റ്ഫോമുകളിലാണ് പുതിയ അപ്ഡേറ്റ് ഉടന് ലഭ്യമാകാന് പോകുന്നത്. ‘ delete for every one’ എന്നാണ് ഈ സവിശേഷതയുടെ പേര്. ഈ സംവിധാനം ഉപയോഗിച്ച് നിങ്ങള് അറിയാതെ തെറ്റായ മെസേജ് അയച്ചാലോ അല്ലെങ്കില് മെസേജ് മാറി പോയാലോ അവര് വായിക്കുന്നതിനു മുന്പു തന്നെ നിങ്ങള്ക്ക് ആ മെസേജ് ഡിലീറ്റ് ചെയ്യാം.
ഈ ഓപ്ഷന് ഇപ്പോള് പരീക്ഷണ ഘട്ടത്തിലാണ് എന്നതിനാല് എല്ലാവര്ക്കും ലഭ്യമല്ല. പരീക്ഷണാടിസ്ഥാനത്തില് പരീക്ഷിച്ച ശേഷം മാത്രമായിരിക്കും എല്ലാവര്ക്കും ലഭിക്കുക. ടിപ്സ്റ്റര് റിപ്പോര്ട്ട് പ്രകാരം ഐഒഎസ് ആന്ഡ്രോയ്ഡ് ഉപകരണങ്ങളിലെ നോട്ടിഫിക്കേഷന് സെന്ററില് നിന്നുളള മെസേജുകളും ഡിലീറ്റ് ചെയ്യാം എന്നാണ്. ഈ ഒരു മാര്ഗം അവലംബിച്ചു കൊണ്ടാണ് വാട്സാപ്പിലും ഈ സവിശേഷത ഉള്ക്കൊള്ളിക്കുന്നത്.
നിലവില് ഈ സൗകര്യം മറ്റു ചാറ്റ് ആപ്പുകളായ ടെലിഗ്രാം, വൈബര് എന്നിവയില് അടക്കം പല ആപ്പുകളിലും ലഭ്യമാണ്. ഈ സേവനം വാട്സാപ്പില് കൂടെ വരുന്നത് കൂടുതല് ഗുണകരമാകും.
Leave a Reply