Welcome to NIRBHAYAM.COM | Kerala’s No. 1 News Portal
March 15, 2025 4:04 pm
Published on March 27, 2015 at 3:25 pm
വെറും 68 രൂപയ്ക്ക് ഒരു ജിബി 3ജി ഓഫറുമായി ബി.എസ്.എന്‍.എല്‍
മൊബൈല്‍ ഫോണ്‍ സര്‍വ്വീസ് ദാതാക്കള്‍ ഇന്റര്‍നെറ്റ് നിരക്കുകള്‍ ഇടയ്ക്കിടെ വര്‍ദ്ധിപ്പിക്കുന്ന ഇക്കാലത്ത് ആരെയും അതിശയിപ്പിക്കുന്ന ഓഫറുമായി സര്‍ക്കാര്‍ സ്ഥാപനമായ ബി.എസ്.എന്‍.എല്‍ രംഗത്തെത്തുന്നു. വെറും 68 രൂപയ്ക്ക് ഒരു ജിബി ഡേറ്റ ഓഫറാണ് ബി.എസ്.എന്‍.എല്‍ നൽകുന്നത്. ഏപ്രിൽ 1 മുതൽ ഈ ഓഫർ പ്രാബല്യത്തിൽ വരുമെന്നാണ് റിപ്പോർട്ടുകൾ സൂചിപ്പിക്കുന്നത്. രണ്ട് മാസത്തേക്കുള്ള ഈ ഓഫർ 68 രൂപയുടെ റീച്ചാര്‍ജില്‍ 10 ദിവസത്തെ കാലാവധിയിലാകും ഒരു ജിബി ലഭിക്കുക. നിലവില്‍ ഒരു ജിബി 3ജി ഡേറ്റ ഓഫറിന് ഇതര കമ്പനികൾ ശരാശരി 250 രൂപയാണ് ഈടാക്കുന്നത്. 30 ദിവസത്തെ വാലിഡിറ്റിക്കായി 3 തവണ 68 ന്റെ ഓഫര്‍ ചെയ്താലും 206 രൂപയ്ക്ക് 3 ജിബി ഡേറ്റ ലഭിക്കും. 175 രൂപയ്ക്ക് 30 ദിവസത്തെ വാലിഡിറ്റിയില്‍ ഒരു ജിബി ഡേറ്റാഓഫറും 200 രൂപയ്ക്ക് ടോപ്പപ്പ് ചെയ്യുന്ന ഉപഭോക്താക്കള്‍ക്ക് ഫുള്‍ ടോക് ടൈമിനോടൊപ്പം 50 എം.ബി സൗജന്യ 3ജി ഡേറ്റയും ബി.എസ്.എന്‍.എല്‍ ഓഫര്‍ ചെയ്യുന്നുണ്ട്. രാജ്യവ്യാപകമായാണ് ബി.എസ്.എന്‍.എല്‍ ഈ ഓഫര്‍ പ്രഖ്യാപിച്ചിട്ടുള്ളത്‌.
Leave a Reply