Welcome to NIRBHAYAM.COM | Kerala’s No. 1 News Portal
May 6, 2024 4:11 am
Published on April 24, 2013 at 8:57 am
പൊള്ളുന്ന വേനലില്‍ ആശ്വാസമായി ‘സോളാര്‍ ഷര്‍ട്ട്’
കൊല്‍ക്കത്ത: കൊടുംചൂടില്‍ നിന്ന് രക്ഷനേടാന്‍ സോളാര്‍ സമ്മര്‍ ഷര്‍ട്ടുമായി ശാസ്ത്രജ്ഞന്‍. സൗര സെല്ലുകളും ചെറിയ ഫാനുകളും ഈ ഷര്‍ട്ടിന്‍െറ ഭാഗമാണ്. ഷര്‍ട്ടിന്‍െറ പോക്കറ്റിലോ നൂലിലോ ചെറിയ സൗര സെല്ലുകള്‍ ഘടിപ്പിക്കുന്നതിനുള്ള സാങ്കേതികവിദ്യ വികസിപ്പിക്കാനാണ് ശ്രമമെന്ന് ശാസ്ത്രജ്ഞനായ സന്തീപാഡ ഗോണ്‍ ചൗധരി പറഞ്ഞു.
സൗര സെല്ലുകളുടെ സഹായത്തോടെ 400 വാട്ട്സ് ഊര്‍ജം ഉല്‍പാദിപ്പിക്കാന്‍ സമ്മര്‍ ഷര്‍ട്ടിന് കഴിയുമെന്നും 2.5 ഇഞ്ച് മുതല്‍ മൂന്ന് ഇഞ്ച് വരെ വലുപ്പമുള്ളതായിരിക്കും സെല്ലുകളെന്നും അദ്ദേഹം പറഞ്ഞു. ഊര്‍ജം ശേഖരിച്ചു വെക്കാന്‍ കഴിയുന്ന ഈ ഷര്‍ട്ട് ഉപയോഗിച്ച് മൊബൈല്‍ ഫോണുകളും ടാബ്ലറ്റുകളും ചാര്‍ജ് ചെയ്യാനാകുമെന്ന് അദ്ദേഹം അവകാശപ്പെട്ടു.
ആഷ്ദന്‍ പുരസ്കാര ജേതാവാണ് ഗോണ്‍ ചൗധരി. ബംഗാള്‍ എന്‍ജിനീയറിങ് ആന്‍ഡ് സയന്‍സ് സര്‍വകലാശാലയിലെ അധ്യാപകനായ ഇദ്ദേഹം തന്‍െറ കണ്ടുപിടുത്തം കേന്ദ്ര ശാസ്ത്ര സാങ്കേതിക മന്ത്രാലയത്തിന് സമര്‍പ്പിച്ചിട്ടുണ്ട്.
Leave a Reply