Welcome to NIRBHAYAM.COM | Kerala’s No. 1 News Portal
March 11, 2026 6:35 pm
Published on July 29, 2014 at 10:27 pm
ക്രെഡിറ്റ് കാര്ഡ് ഡെബിറ്റ് കാര്ഡ് വിവരങ്ങള് ചോര്ത്താൻ ശേഷിയുള്ള വൈറസ് സ്വൈപ്പിംഗ് മെഷീനുകളില് പടരുന്നു
ക്രെഡിറ്റ് കാര്ഡുകളും ഡെബിറ്റ് കാര്ഡുകളും ഉപയോഗിക്കുമ്പോള് സൂക്ഷിക്കുക. സ്വൈപ്പിംഗ് മെഷീനില് നിന്ന് കാര്ഡിന്റെ വിവരങ്ങള് ചോര്ത്താൻ ശേഷിയുള്ള ‘ബ്രൂട്ട്പോസ്’ (BrutPOS) വൈറസ് ഇന്ത്യയില് പടരുന്നതായി മുന്നറിയിപ്പ്. കാര്ഡ് ഉപയോക്താക്കള്ക്ക് ഭീഷണി സൃഷ്ടിക്കുന്നത്. സ്വൈപ്പിംഗ് മെഷീനുകള്പോലുള്ള ‘പോയന്റ്-ഓഫ്-സെയ്ല്’ ( POS ) സംവിധാനങ്ങളെ ആക്രമിക്കുന്നതിനാലാണ് ഇതിന് ബ്രൂട്ട്പോസ് എന്ന് പേരിട്ടിരിക്കുന്നത്.
വൈറസ് ബാധിച്ച സ്വൈപ്പിംഗ് മെഷീനുകളില് കാര്ഡ് ഉപയോഗിക്കുമ്പോള്, കാര്ഡ് ഉടമയുടെ പേര്, അക്കൗണ്ട് നമ്പര്, സി.വി.വി. കോഡ് തുടങ്ങിയ വിവരങ്ങള് ചോര്ത്തപ്പെടുന്നു. മുംബൈയില് മാത്രം 700-ൽ ഏറെ റീട്ടെയ്ല് കേന്ദ്രങ്ങളില് ഈ വൈറസ് ബാധയുള്ളതായി റിപ്പോര്ട്ടുകള് പറയുന്നു. ഫോണ് ലൈനുകള് വഴി ബന്ധിപ്പിച്ചിട്ടുള്ള സ്വൈപ്പിംഗ് മെഷീനുകള്ക്ക് (PTI) പ്രശ്നമില്ലെന്ന് അധികൃതർ അറിയിച്ചു.
Leave a Reply