Welcome to NIRBHAYAM.COM | Kerala’s No. 1 News Portal
August 26, 2026 9:42 am
Published on January 11, 2016 at 3:35 pm
പിറന്നാള് ദിനത്തില് മൂകാംബികാ ദേവിയുടെ ദര്ശനപുണ്യം തേടി യേശുദാസ് എത്തി
തന്റെ പിറന്നാള് ദിനത്തില് മൂകാംബികാ ദേവിയുടെ അനുഗ്രഹം വാങ്ങാൻ ഗാനഗന്ധര്വ്വന് കെ.ജെ. യേശുദാസ് എത്തി. ഗാനഗന്ധര്വ്വന് പറയാന് മറന്നില്ല. ദേവിയുടെ അനുഗ്രഹമാണ് തന്നെ ഇതുവരെ എത്തിച്ചതെന്നും യോശുദാസ് പറഞ്ഞു. ഇന്നലെ രാവിലെ ഒമ്പതോടെയാണ് യേശുദാസും കുടുംബവും കൊല്ലൂരിലെത്തിയത്. ക്ഷേത്ര ദര്ശനത്തിന് ശേഷം കൈതപ്രം ദാമോദരന് നമ്പൂതിരിക്കു സൗപര്ണികാമൃതം അവാര്ഡ് അദ്ദേഹം സമ്മാനിച്ചു.മലയാള സിനിമാ ഗാനരഗംഗത്ത് കൈതപ്രത്തിന്റെ സംഭാവനകള് എക്കാലവും ഓര്മിക്കാവുന്നതാണെന്ന് അദ്ദേഹം പറഞ്ഞു. സമൂഹത്തില് നന്മകള് കുറഞ്ഞുവരികയാണ്. നന്മകള് തിരിച്ചുപിടിച്ചാല് മാത്രമേ കൂടുതല് ഉയരങ്ങള് കീഴടക്കാന് മനുഷ്യര്ക്ക് കഴിയുകയുള്ളൂവെന്ന് അദ്ദേഹം അഭിപ്രായപ്പെട്ടു. ക്ഷേത്ര തന്ത്രി ഗോവിന്ദ അഡിഗയുടെ വീട്ടില് നിന്ന് പിറന്നാള് സദ്യ ഉണ്ടശേഷം യേശുദാസ് വീണ്ടും സന്ധ്യയോടെ ക്ഷേത ദര്ശനത്തിന് എത്തുകയും സരസ്വതീ മണ്ഡപത്തില് കീര്ത്തനം ആലപിക്കുകയും ചെയ്തു.എല്ലാ വര്ഷവും പിറന്നാളിന് തലേദിവസം തന്നെ യേശുദാസ് കൊല്ലുരിലെത്താറുണ്ടായിരുന്നു. എന്നാല് ഈ വര്ഷം പതിവ് തെറ്റിച്ച് പിറന്നാള് ദിനത്തിലാണ് ദര്ശനത്തിനെത്തിയത്.
Leave a Reply