Welcome to NIRBHAYAM.COM | Kerala’s No. 1 News Portal
June 27, 2026 11:16 am
Published on March 5, 2016 at 1:26 pm
സ്മാര്ട്ട്ഫോണുകളെക്കുറിച്ചുള്ള ചില തെറ്റിദ്ധാരണകള്…!!
എല്ലാ സാങ്കേതികവിദ്യയുമായി ബന്ധപ്പെട്ടും ചില അബദ്ധധാരണകള് ഉണ്ടാവാറുണ്ട്. സ്മാര്ട്ട്ഫോണുകളുടെ കാര്യത്തിലും ഇതുണ്ട്. സ്മാര്ട്ട്ഫോണുകളെക്കുറിച്ചുള്ള അത്തരം ചില തെറ്റായ ധാരണകളെ കുറിച്ചാണിവിടെ പറയുന്നത്…
രാത്രിയിലെ ഫോണ് ചാര്ജിംഗ്
പലരും രാത്രിയില് ഫോണ് ചാര്ജാവാന് പ്ലഗ് ചെയ്ത ശേഷം രാവിലെയാവും ഓഫ് ചെയ്യുന്നത്. രാത്രി മുഴുവന് പ്ലഗ് ചെയ്താന് ഓവര്ഹീറ്റിംഗ് കാരണം ഫോണ് പൊട്ടിത്തെറിക്കുമെന്നൊക്കെ പലരും പറഞ്ഞ് പേടിപ്പിക്കാറുണ്ട്. നിലവിലുള്ള ഭൂരിഭാഗം ഫോണുകളും ബാറ്ററി ഫുള്ളായാല് ഓട്ടോമാറ്റിക്കായി ചാര്ജിംഗ് നിര്ത്തുന്നവയാണ്.
ഇന്കോഗ്നിറ്റോ മോഡ്
ബ്രൗസിംഗ് ഹിസ്റ്ററി മറയ്ക്കാന് പലരും ഇന്കോഗ്നിറ്റോ മോഡ് ഉപയോഗിക്കാറുണ്ട്. ഇത് നിങ്ങളുടെ സിസ്റ്റത്തില് നിന്ന് മാത്രമേ ബ്രൗസിംഗ് ഹിസ്റ്ററി മറയ്ക്കാന് സാധിക്കൂ. ഇന്റര്നെറ്റ് സര്വീസ് പ്രൊവൈഡറില് നിന്ന് ഈ വിവരങ്ങള് എടുക്കാന് സാധിക്കും.
ഫ്ലൈറ്റ് മോഡ്
സുരക്ഷയ്ക്ക് വേണ്ടി ഫ്ലൈറ്റിലെ യാത്രികരോട് ഫോണ് സ്വിച്ച് ഓഫ്/ഫ്ലൈറ്റ് മോഡില് വയ്ക്കാന് പറയുന്നത് സ്ഥിരമാണ്. പക്ഷേ, നിലവിലുള്ള പ്ലെയിനുകളെ ഒരു തരത്തിലും ഫോണ് സിഗ്നലുകള് ബാധിക്കില്ല.
പെട്രോള് പമ്പുകളില് ഉപയോഗിക്കരുത്
തീപിടുത്തത്തിന്റെയും മറ്റും സാധ്യത കണക്കിലെടുത്ത് ഫോണുകള് പെട്രോള് പമ്പുകളില് ഉപയോഗിക്കുന്നത് വിലക്കിയിരിക്കുകയാണ്. വണ്ടികളില് നിന്ന് വരുന്ന സ്പാര്ക്ക് തീപിടുത്തത്തിന് കാരണമാവാം, പക്ഷേ മൊബൈല് സിഗ്നല് അക്കാര്യത്തില് നിരുപദ്രവകാരിയാണ്.
ചാര്ജിംഗും സംസാരവും
മിക്ക മൊബൈല് നിര്മ്മാതാക്കളും തങ്ങളുടെ ഫോണും ബാറ്ററിയും ഷോക്ക് പ്രൂഫായിട്ടാണ് രൂപകല്പന ചെയ്യുന്നത്. അതിനാല് ചാര്ജ് ചെയ്യുമ്പോള് സംസാരിച്ചാല് ഫോണില് നിന്ന് ഷോക്കേല്ക്കുമെന്ന പേടി വേണ്ട. എന്നിരുന്നാലും പവര് പ്ലഗില് ഒരു കണ്ണ് വേണം.
Leave a Reply