Welcome to NIRBHAYAM.COM | Kerala’s No. 1 News Portal
July 28, 2026 5:35 pm
Published on August 6, 2016 at 9:24 am
ഫേസ്ബുക്കില് നിങ്ങളെ ആരെങ്കിലും ബ്ലോക്ക് ചെയ്തിട്ടുണ്ടോ എന്ന് എങ്ങനെ അറിയാം …?
ഇന്നത്തെ കാലത്ത് ഫേസ്ബുക്ക് ഉപയോഗിക്കാത്തവരായി അധികമാരും കാണില്ല.ഫേസ്ബുക്കിലൂടെ നമുക്ക് അനേകം സുഹൃത്തുക്കളെ കിട്ടാറുണ്ട്.അതിൽ തന്നെ അറിയുന്നവരും അറിയാത്തവരും ഉണ്ടായേക്കാം. ചിലപ്പോള് ഫ്രണ്ട് ലിസ്ററില് ഉളളവരോ ഇല്ലാത്തവരോ നിങ്ങളെ ബ്ലോക്ക് ചെയ്തു എന്നു വരാം. എന്നാല് അതിനു ശേഷം ആ ഒരു വ്യക്തിയുമായി ആശയവിനിമയം നടത്താന് സാധിക്കില്ല.ആരെങ്കിലും നിങ്ങളുടെ ഫേസ്ബുക്കില് നിങ്ങളെ ബ്ലോക്ക് ചെയ്തോ എന്ന് എങ്ങനെ അറിയാമെന്ന് കണ്ടുപിടിക്കുന്നതിനുള്ള ചിലമാർഗ്ഗങ്ങളാണ് ഇവിടെ പറയുന്നത്.
ഏതെങ്കിലും വ്യക്തി നിങ്ങളെ ബ്ലോക്ക് ചെയ്തതായി സംശയം തോന്നുന്നുണ്ടെങ്കില് ആദ്യം ചാറ്റ് ലിസ്റ്റ് പരിശോധിക്കുക. അതില് കാണുന്നില്ലെങ്കില് സെര്ച്ച് ലിസ്റ്റില് ആ വ്യക്തിയുടെ പേര് ടൈപ്പ് ചെയ്യുക. അപ്പോഴും നിങ്ങള് ആ വ്യക്തിയെ കാണുന്നില്ല എങ്കില് അയാള് നിങ്ങളെ ബ്ലോക്ക് ചെയ്തിരിക്കാന് സാധ്യതയുണ്ടെന്ന് മനസ്സിലാക്കുക.
അടുത്തതായി ഫേസ്ബുക്കില് ആ വ്യക്തിയെ തിരയുക എന്നതാണ്. പേര് ടൈപ്പ് ചെയ്തിട്ടും കാണുന്നില്ല എങ്കില് ചിലപ്പോള് ആ വ്യക്തി നിങ്ങളെ ബ്ലോക്ക് ചെയ്തതാവാന് സാധ്യതയുണ്ട്. എന്നാല് അത് ഉറപ്പു പറയാന് സാധ്യത ഇല്ല, കാരണം പ്രൈവസി സെറ്റിങ്ങ്സില് എന്തെങ്കിലും മാറ്റം വരുത്തിയാല് സെര്ച്ച് ചെയ്യുമ്പോള് കണ്ടെത്താന് സാധിക്കില്ല.
ആദ്യം പറഞ്ഞ രണ്ടു മാര്ഗ്ഗങ്ങളിലും ആളെ കണ്ടെത്താന് സാധിച്ചില്ല എങ്കില് നിങ്ങളുടെ ഏതെങ്കിലും സുഹൃത്തുക്കളോടു പറഞ്ഞ് അവരുടെ പ്രൊഫൈലില് നിന്നും സര്ച്ച് ചെയ്യുക. ഇപ്പോള് അതില് നിന്നും ആ വ്യക്തിയെ കാണുന്നുണ്ടെണ്ടെങ്കില് ആ വ്യക്തി നിങ്ങളെ ബ്ലോക്ക് ചെയ്താണെന്നു മനസ്സിലാക്കാം.
അടുത്തതായി ഗൂഗിളില് സര്ച്ച് ചെയ്യാനായി ഇന്വര്ട്ടഡ് കോമയ്ക്കുളളില് ആ വ്യക്തിയുടെ പേര് ടെപ്പ് ചെയ്ത് സര്ച്ച് ചെയ്യുക.
ആ വ്യക്തിയുടെ പേര് ഗൂഗിള് സര്ച്ചില് കാണുന്നുണ്ടെങ്കില് അടുത്തതായി മറ്റൊരു വിന്ഡോ തുറന്ന് ഫേസ്ബുക്ക് ലോഗിന് ചെയ്യുക.
വീണ്ടും സര്ച്ച് ലിങ്കില് പോയി ആ വ്യക്തിയുടെ ഫേസ്ബുക്ക് ലിങ്കില് ക്ലിക്ക് ചെയ്യുക. ഇപ്പോള് പ്രൊഫൈല് നിലവിലില്ല എന്ന് കാണിക്കുകയാണെങ്കില് അയാള് നിങ്ങളെ ബ്ലോക്ക് ചെയ്തതായി ഉറപ്പിക്കാം.
Leave a Reply