Welcome to NIRBHAYAM.COM | Kerala’s No. 1 News Portal
October 23, 2026 12:24 am
Published on December 17, 2016 at 9:11 am
പാറമടയില്‍ ഒളിച്ചു കിടക്കുന്നത് നിധി;ഇതുവരെ കിട്ടിയത് 2000 സ്വര്‍ണ്ണനാണയങ്ങൾ;കണ്ട് കണ്ണ് തള്ളേണ്ട സംഭവം സത്യമാണ്…..
ജയ്പ്പൂര്‍:നിധി ഒളിച്ചിരിപ്പുണ്ടെന്ന പ്രചാരണത്തെ തുടർന്ന് രാജസ്ഥാനിലെ പാറമടയിലേക്ക് ജനങ്ങളുടെ പ്രവാഹം.ദിവസവും ആയിരക്കണക്കിന് ആളുകളാണ് ഇവിടേയ്ക്ക് ഒഴുകി എത്തുന്നത്.ജനത്തിരക്ക് കാരണം ആളുകളെ പിരിച്ചുവിടാൻ പെടാപ്പാട് പെടുകയാണ് ഇവുടത്തെ അധികാരികൾ.അടുത്തുള്ളവരും അകലെയുള്ളതുമായി ആയിരക്കണക്കിന് പേര്‍ പാറമടയിലേക്ക് എത്തുന്നതും തെരച്ചില്‍ നടത്തുന്നതും വന്‍ വാര്‍ത്തയാകുകയാണ്.
നാലാം നൂറ്റാണ്ടിലെയും അഞ്ചാം നൂറ്റാണ്ടിലെയും സ്വര്‍ണ്ണനാണയങ്ങള്‍ ഗ്രാമീണരില്‍ ചിലര്‍ക്ക് കിട്ടിയതായുള്ള പ്രചരണത്തെ തുടര്‍ന്ന് കഴിഞ്ഞ ഒരാഴ്ച രാത്രിയിലും പകലും ഇവിടെ ജനങ്ങളെ കൊണ്ട് നിറഞ്ഞു. ജനക്കൂട്ടത്തെ ഒഴിവാക്കാനായി പോലീസ് മൈക്രോഫോണിലും മറ്റും നിര്‍ദേശം നല്‍കിയിട്ടും ജനം അവഗണിച്ചു.
കിട്ടിയെന്ന് പറയപ്പെടുന്ന നാണയങ്ങള്‍ ചരിത്രാവശിഷ്വും വിലപിടിച്ചതുമാണെന്നും അവ തിരികെ നല്‍കണമെന്നും പോലീസ് ആവശ്യപ്പെട്ടിട്ടും പലരും അനധികൃതമായി സൂക്ഷിക്കുകയാണ്. എന്നാല്‍ ചില നാണയങ്ങള്‍ പോലീസ് പിടിച്ചെടുക്കുകയും ചെയ്തു. ഡിസംബര്‍ 7 ന് ഒരു ആഭരണക്കട ഉടമയില്‍ നിന്നും നാണയങ്ങള്‍ പോലീസ് പിടിച്ചെടുത്തിരുന്നു. വിവരം പുരാവസ്തു ഗവേഷണ വകുപ്പിന്‍റെ ജയ്പൂര്‍ ശാഖയെ അറിയിക്കുകയും നാണയത്തിന്‍റെ മൂല്യം തിട്ടപ്പെടുത്താന്‍ ആള്‍ക്കാരെ അയയ്ക്കുകയും ചെയ്തിരിക്കുകയാണ്.
സമുദ്രഗുപ്ത (335-380 എഡി) കുമാരഗുപ്തന്‍ ഒന്നാമന്‍റെ(414-485 എഡി) കാലത്തെ നാണയങ്ങളാണ് ജാനകിപുര എന്ന പ്രദേശത്തെ ഈ പാറമടയില്‍ നിന്നും കണ്ടെത്തിയത്. ചന്ദ്രഗുപ്ത മൗര്യന്‍റെ പുത്രനും ഗുപ്ത സാമ്രാജ്യത്തിലെ നാലാം ഭരണാധികാരിയുമാണ് സമുദ്രഗുപ്തന്‍. നേപ്പാളില്‍ നിന്നും പഞ്ചാബ് വരെയും തെക്കോട്ട് കാഞ്ചിപുരം വരെയുമായിരുന്നു രാജ്യം പടര്‍ന്നു കിടന്നിരുന്നത്. ചന്ദ്രഗുപ്ത രണ്ടാമന്‍റെ മകനാണ് കുമാരഗുപ്ത.
പാറമടയ്ക്ക് സമീപം ഈ രാജവംശവുമായി ബന്ധപ്പെട്ട നിധി ഒളിച്ചിരിപ്പുണ്ടെന്നാണ് എഎസ്‌ഐ ടീം കരുതുന്നത്. ഗുപ്ത കാലത്തെ നിധിശേഖരം സമാനഗതിയില്‍ 1946 ല്‍ കണ്ടെത്തിയിരുന്നു. 1821 നാണയങ്ങളാണ് ബയാനാ നഗരത്തിലെ പുരാവസ്തു സൈറ്റില്‍ നിന്നും കണ്ടെത്തിയത്. പാറമടയില്‍ നിന്നും ഇതിനകം ഗ്രാമീണര്‍ 2000 ലധികം സ്വര്‍ണ്ണനാണയങ്ങള്‍ കൊണ്ടുപോയെന്നാണ് ഡിഗ്ഗി സ്റ്റേഷനിലെ പോലീസുകാര്‍ പറയുന്നത്. നിധി സര്‍ക്കാരിന്‍റേതാണെന്നും കിട്ടിയവര്‍ അത് തിരികെ നല്‍കിയില്ലെങ്കില്‍ കേസെടുക്കുമെന്ന് പോലീസ് മേധാവികള്‍ മുന്നറിയിപ്പ് നല്‍കിയിട്ടുണ്ട്. നാണയം അടിച്ചുകൊണ്ടു പോകുന്നത് തടയാന്‍ പാറമടയില്‍ ഇപ്പോള്‍ ശക്തമായ കാവല്‍ ഏര്‍പ്പെടുത്തിയിരിക്കുകയാണ്.
ആയിരക്കണക്കിന് പേര്‍ സ്വര്‍ണ്ണനാണയം ഇതിനകം പ്രദേശത്തെ സാധാരണ വ്യാപാരികള്‍ക്ക് വിറ്റ് ഭക്ഷ്യ വസ്തുക്കള്‍ ഉള്‍പ്പെടെയുള്ളവ വാങ്ങിയെന്നും ഇത്തരം കാര്യങ്ങളൊന്നും പോലീസിന്‍റെ ശ്രദ്ധയില്‍ പെട്ടിട്ടില്ലെന്നും പറഞ്ഞു. പലരും ഭക്ഷ്യ വസ്തുക്കളിലും ചെരുപ്പിനുള്ളിലുമെല്ലാം ഒളിപ്പിച്ചാണ് നാണയം കടത്തിയത്. മിക്കവരും ഉരുക്കി ഉപയോഗിക്കുക പോലും ചെയ്തെന്നാണ് വവിരം. ഭരണകൂടം കര്‍ശന നടപടി എടുത്തിട്ടുണ്ടെങ്കിലും സ്വര്‍ണ്ണക്കൊയ്ത്ത് ഇപ്പോഴും അവസാനിച്ചിട്ടില്ലെന്നാണ് അറിയുന്നത്.
Leave a Reply