Welcome to NIRBHAYAM.COM | Kerala’s No. 1 News Portal
December 14, 2025 4:03 pm
Published on September 26, 2016 at 12:25 pm
കാത്തോലിക് വിശുദ്ധ ബാലികയുടെ മൃതദേഹം 300 വര്ഷത്തിന് ശേഷം കണ്ണുചിമ്മി;കാഴ്ച്ചകാണാൻ വിശ്വാസികളുടെ പ്രവാഹം..!!(വീഡിയോ)
മെക്സിക്കോ സിറ്റി : കാത്തോലിക് വിശുദ്ധ ബാലികയുടെ മൃതദേഹം 300 വര്ഷത്തിന് ശേഷം കണ്ണുചിമ്മിയതായി റിപ്പോർട്ട്.ആദ്യകുര്ബാന സ്വീകരിച്ചതിന് അച്ഛന് കുത്തിക്കൊന്നതിന് പിന്നീട് വിശുദ്ധയാക്കപ്പെട്ട സാന്റ ഇന്നസെന്ഷ്യ (സെന്റ് ഇന്നസെന്റ്)യുടെ മൃതദേഹം കണ്ണുചിമ്മിയെന്നാണ് ഒരു സഞ്ചാരി ചിത്രീകരിച്ച വീഡിയോയെ ഉദ്ധരിച്ച് പറയപ്പെടുന്നത്.മെക്സിക്കോയിലെ ഗ്വാദരഹാരയിലെ കത്തീഡ്രലിലാണ് സാന്റ ഇന്നസെന്ഷ്യയുടെ മൃതദേഹമുള്ളത്.മെഴുകില് സംസ്കരിച്ച് സൂക്ഷിച്ചിട്ടുള്ള മൃതദേഹം, ചിത്രീകരണത്തിന്റെ ഒരുഘട്ടത്തില് ക്യാമറയിലേക്ക് നോക്കി കണ്ണുചിമ്മുകയായിരുന്നു.
വാര്ത്ത പുറത്തറിഞ്ഞതോടെ, കത്തീഡ്രലിലേക്ക് വിശ്വാസികള് പ്രവഹിക്കുകയാണ്.യുട്യൂബില് പോസ്റ്റ് ചെയ്തിട്ടുള്ള വീഡിയോ കാണാനും ലക്ഷങ്ങളെത്തുന്നു. ഇതിനകം ആറുലക്ഷം പേരാണ് ഇതുകണ്ടത്. കണ്ണുചിമ്മിയെന്നത് വിശ്വാസിയുടെ തോന്നല് മാത്രമാണെന്ന് വാദിക്കുന്നവരുണ്ടെങ്കിലും, അതു കാണാന് ഓരോ നിമിഷവും വിശ്വാസികള് എത്തുന്നുണ്ട്.വളരെ നിലവാരം കുറഞ്ഞ ക്യാമറയിലാണ് ഈ ദൃശ്യം പകര്ത്തിയിട്ടുള്ളത്. അതുകൊണ്ടുതന്നെ സംഭവം വിശ്വാസയോഗ്യമല്ലെന്ന് കൂടുതല് പേരും അഭിപ്രായപ്പെടുന്നു. ഏതായാലും ക്രിസ്തുമത വിശ്വാസിയായതിന്റെ പേരില് കൊല്ലപ്പെടുകയും പിന്നീട് വിശുദ്ധയാക്കപ്പെടുകയും ചെയ്ത സാന്റ ഇന്നസെന്ഷ്യക്ക് ഇപ്പോഴത്തെ സംഭവത്തോടെ ലോകമെങ്ങും വിശ്വാസികളെ സൃഷ്ടിക്കാനായിട്ടുണ്ട്.
–
–
Leave a Reply