Published on September 19, 2017 at 5:46 pm

എസ്ബിഐ മിനിമം ബാലൻസ് ചാർജിൽ നിന്നും രക്ഷപ്പെടാനിതാ ഒരു കിടിലൻ വഴി

option-to-keep-away-from-sbi-minimum-balance-charge

ന്യൂഡല്‍ഹി: അക്കൗണ്ടുകളില്‍ മിനിമം ബാലന്‍സ് വേണമെന്ന നിബന്ധന മറികടക്കാൻ നിക്ഷേപകർക്ക് പുത്തൻ മാർഗ്ഗം അവതരിപ്പിച്ചിരിക്കുകയാണ് എസ്ബിഐ. നിലവിലുള്ള സേവിങ്സ് അക്കൗണ്ടുകള്‍ ബേസിക്സ് സേവിങ്സ് അക്കൗണ്ടുകളിലേക്ക് മാറ്റിയാല്‍ മതി.

ഈ രീതിയിൽ ചെയ്യുന്നതോടെ മിനിമം ബാലൻസ് സൂക്ഷിക്കാത്തതിന്റെ പേരിലുള്ള ചാർജിൽ നിന്നും രക്ഷപ്പെടാം എന്നാണ് എസ്ബിഐ നൽകുന്ന നിർദേശം. സേവിങ്സ് അക്കൗണ്ടുകൾക്ക് സമാനമായ അക്കൗണ്ടുകൾ തന്നെയാണ് ബേസിക്സ് സേവിങ് അക്കൗണ്ടും. എടിഎം ഉൾപ്പെടെയുള്ള എല്ലാ സേവനങ്ങളും സൗകര്യങ്ങളും ഈ അക്കൗണ്ടിനും ലഭ്യവുമാണ്.

എന്നാൽ ഈ ബേസിക്സ് സേവിങ് അക്കൗണ്ട് തുടങ്ങുന്നവർക്ക് മറ്റു ബാങ്കുകളിൽ സേവിങ് അക്കൗണ്ട് പാടില്ല എന്നൊരു നിബന്ധനയുണ്ട്. ഇനി ഉണ്ടെങ്കിൽ തന്നെ ഈ അക്കൗണ്ട് തുടങ്ങി ഒരു മാസത്തിനകം മറ്റു ബാങ്കുകളിലുള്ള അക്കൗണ്ടുകൾ ക്ലോസ് ചെയ്താലും മതി.

അതുപോലെ എ.ടി.എം ഇടപാടുകള്‍ നടത്തുന്നതിനും ഇത്തരം അക്കൗണ്ട് ഉപയോഗിക്കുന്നവര്‍ക്ക് ചില നിയന്ത്രണങ്ങളേർപ്പെടുത്തിയിട്ടുണ്ട്. എ.ടി.എമ്മുകള്‍ ഉപയോഗിച്ച്‌ പ്രതിമാസം നാല് ഇടപാടുകള്‍ നടത്താന്‍ മാത്രമേ സൗജന്യമായി ബേസിക്സ് സേവിങ്സ് അക്കൗണ്ട് ഉടമകള്‍ക്ക് പറ്റുകയുള്ളു.