Welcome to NIRBHAYAM.COM | Kerala’s No. 1 News Portal
പൂനെ: പൂനെ തെരുവുകളിലൂടെ സച്ചിൻ ഖേസെയുടെ ജാഗ്വാർ എക്സ്.എഫ് കാർ ചീറിപ്പായുമ്പോൾ ആരും ഒന്ന് കൗതുകത്തോടെ നോക്കിനിന്ന് പോവും.മുഴുവനായും സ്വർണം പൂശി തീർത്തും രാജകീയമായാണ് ആ വരവ്.
ജ്യോതിഷിയുടെ നിർദ്ദേശത്തെ തുടർന്നാണ് ഈ സ്വർണം പൂശാൽ എന്നതും കൗതുകകരം തന്നെ.നിർഭാഗ്യം അകറ്റാൻ കാർ സ്വർണം പൂശണമെന്ന് ജ്യോതിഷി നിർദ്ദേശിച്ചു എന്നാണ് സച്ചിൻ പറയുന്നത്. പിന്നെയൊന്നും ആലോചിച്ചില്ല, കറുത്ത ജാഗ്വാറിനെ സ്വർണ നിറമാക്കി മാറ്റി. ഇതിനായി രണ്ടു ലക്ഷം രൂപയുടെ സ്വർണമാണ് ഉപയോഗിച്ചത്.
സച്ചിന്റെ കൈവശമുള്ള പന്ത്രണ്ടോളം ആഡംബര കാറിൽ ഒന്നു മാത്രമാണ് ഈ ജാഗ്വാർ. ഒരു കോടിയുടെ മേഴ്സിഡസ് ബെൻസ് എസ് ക്ളാസും രണ്ടു കോടിയുടെ റേഞ്ച് റോവറും സച്ചിന്റെ കാർ ശേഖരത്തിലുണ്ട്. 2008ലാണ് ആദ്യ കാർ വാങ്ങുന്നത്. പിന്നെ ബിസിനസ് പച്ച പിടിച്ചതോടെ കാറുകളുടെ എണ്ണവും കൂടി.
–
–
2014ലാണ് ഈ ജാഗ്വാർ വാങ്ങിയത്. അന്ന് 63 ലക്ഷമായിരുന്നു വില. കറുത്ത നിറമായിരുന്നതിനാൽ ഈ കാർ ഉപയോഗിക്കരുതെന്നായിരുന്നു ജ്യോതിഷിയുടെ ഉപദേശം. തുടർന്ന് കാർ വിൽക്കാൻ തീരുമാനിച്ചു. എന്നാൽ, കടയിൽ കൊണ്ടു ചെന്നപ്പോൾ അവരാണ് അങ്ങനെയെങ്കിൽ സ്വർണം പൂശാൻ നിർദ്ദേശിച്ചത്. ഇക്കാര്യം ജ്യോതിഷിയോട് സംസാരിച്ചപ്പോൾ അവരും അതിനെ പിന്തുണച്ചു. തുടർന്ന് കറുത്ത സുന്ദരനെ സ്വർണ സുന്ദരനാക്കി മാറ്റി.
മദ്ധ്യ ഏഷ്യയിലൊക്കെ കാറുകൾ സ്വർണം പൂശുന്നത് സാധാരണമാണെന്ന് സച്ചിൻ പറഞ്ഞു. എന്നാൽ, പൂനെയിൽ ഇത്തരമൊരു കാർ ആദ്യമായിരിക്കുമെന്ന് സച്ചിൻ കരുതുന്നു.