Welcome to NIRBHAYAM.COM | Kerala’s No. 1 News Portal
December 15, 2025 4:24 am
Published on November 28, 2017 at 10:29 am
ചെടി തിന്നതിന് കഴുതകളെ ജയിലിലടച്ച് ഉത്തർപ്രദേശ് പോലീസ്..!!
കഴുതകളെ കുറ്റം ചെയ്തതിന് ജയിലിലടച്ച സംഭവം നിങ്ങള് എവിടെയെങ്കിലും കേട്ടിട്ടുണ്ടോ.. ഇല്ലെങ്കില് ഇതാ ഉത്തര്പ്രദേശില് നിന്നും ഒരു സംഭവം. ഉത്തര് പ്രദേശിലെ ജലൗണ് ജില്ലയിലാണ് സംഭവം. വില കൂടിയ ചെടികള് തിന്നുവെന്ന കാരണത്താലാണ് ഈ കഴുതകളെ പോലീസ് ജയിലിലടച്ചത്. നാല് ദിവസമാണ് ഉറായി ജയിലില് ഇവയെ പാര്പ്പിച്ചത്. ജയിലിനു പുറത്തു പിടിപ്പിച്ചിരുന്ന അഞ്ചു ലക്ഷത്തോളം വില വരുന്ന ചെടികള് കഴുതകള് തിന്നു തീര്ത്തതോടെയാണ് പോലീസ് ഇത്തരം ഒരു അപൂര്വ്വ നടപടി എടുത്തത്. മൊത്തം എട്ട് കഴുതകളെയായിരുന്നു ജയിലിലടച്ചത്.
Jalaun(UP): Police release a herd of donkeys from Urai district jail. They had been detained for destroying plants outside jail and were released after four days pic.twitter.com/Wl5UJrU2tT
— ANI UP (@ANINewsUP) November 27, 2017
പോലീസ് പരിസരത്തെ ഈ ചെടികള് തിന്നാതെ ശ്രദ്ധിക്കാന് കഴുതയുടെ ഉടമസ്ഥന് താക്കീത് നല്കിയിരുന്നെങ്കിലും വീണ്ടും കഴുതകള് ചെടി തിന്നതോടെയാണ് പോലീസ് നടപടിയെടുത്തത്. അങ്ങനെ നവംബര് 24ന് കമലേഷ് എന്നയാളുടെ ഈ എട്ടു കഴുതകളെയും പോലീസ് അറസ്റ്റ് ചെയ്തു തടവിലാക്കി. കഴുതകളെ മോചിപ്പിക്കാനുള്ള ആവശ്യവുമായി കമലേഷ് പോലീസ് സ്റ്റേഷനില് എത്തിയെങ്കിലും കാര്യമുണ്ടായില്ല. തുടര്ന്ന് പ്രാദേശിക രാഷ്ട്രീയ നേതാവ് ഇടപെട്ടാണ് കഴുതകളെ മോചിപ്പിച്ചത്.
Leave a Reply