Welcome to NIRBHAYAM.COM | Kerala’s No. 1 News Portal
July 11, 2026 8:27 pm
Published on October 27, 2016 at 7:51 pm
നിങ്ങളുടെ ഫേസ്ബുക്ക് അക്കൗണ്ട് ഹാക്ക് ചെയ്തോ?
ഫേസ്ബുക്ക് ഉപയോഗിക്കാത്തവരായി ആരുമുണ്ടാകില്ല.നിങ്ങളുടെ സുഹൃത്തുക്കള്, മെസേജുകള്, പേഴ്സണല് ഫോട്ടോകള് എല്ലാം സ്റ്റോർ ചെയ്യപ്പെടുന്നത് ഇതിലാണ്.അതെല്ലാം നിങ്ങൾക്ക് വളരെയധികം വിലപ്പെട്ടവയുമാണ്.എന്നാല് ഏതെങ്കിലും ഒരു ഹാക്കര്നിങ്ങളുടെ അക്കൗണ്ട് ഹാക്ക് ചെയ്ത് ഈ സ്വകാര്യ വിവരങ്ങള് എല്ലാം ചോര്ത്തി എടുത്താല് എന്തായിരിക്കും നിങ്ങളുടെ അവസ്ഥ. ഇങ്ങനെ ഒരു ചിന്ത നമ്മുടെ ഒക്കെ മനസ്സില് വരാറുണ്ട്. കഴിഞ്ഞ കുറച്ചു ദിവസങ്ങളായി പലരും ആവശ്യപ്പെടാതെ പല കാര്യങ്ങളും ആണ് അവരുടെ പ്രൊഫൈല് ചെയ്തു കൊണ്ടിരിക്കുന്നത്. ഓട്ടോമാറ്റിക്കായി പലരും ബ്ലോക്ക് ചെയ്ത സുഹൃത്തുക്കളേയും അവരുടെ ഫ്രണ്ട്സ് ആയി ആഡ് ചെയ്യുന്നതു വരെ എത്തി കാര്യങ്ങള്.ഇങ്ങെയൊക്കെ ചെയ്യുമ്പോള് ഫേസ്ബുക്ക് ഹെല്പ്പ് സെന്ററില് പരാതിപെടാറാണ് പതിവ് .
ഫേസ്ബുക്കിന്റെ അഭിപ്രായത്തില് ഇതൊരു ചെറിയ യൂസര് എന്റര് മാത്രമാണ്. ‘കോണ്ടാക്ട് ഇമ്പോര്ട്ടര്’ എന്ന ഓപ്ഷനില് എല്ലാവരേയും ഫ്രണ്ട്സ് ആക്കുക എന്ന ഓപ്ഷനും ഉണ്ട്. ഈ ഓപ്ഷനാണ് ഫേസ്ബുക്കിനേയും യൂസറിനേയും ഒരു പോലെ പണി കൊടുക്കുന്നത്. അതു പ്രകാരം ബ്ലോക്ക് ചെയ്തവരേയും ആഡ് ചെയ്യാം.
നിങ്ങളുടെ ഫേസുബുക്ക് ചാറ്റ് വഴി മാരകമായ വൈറസ്സുകള് പരക്കുന്നുണ്ട്. അതായത് നിങ്ങളുടെ ഏതെങ്കിലും ഒരു ഫ്രണ്ട് നിങ്ങള്ക്ക് ഒരു കാരണവും ഇല്ലാതെ ലിങ്ക് അയയ്ക്കുന്നതില് തുടങ്ങുന്നു ഈ വൈറസ്സിന്റെ കലാപരിപാടികള്. അതു കിട്ടിയ ആള് ആ ലിങ്കില് ക്ലിക്ക് ചെയ്യുന്നതോടെ ആ വൈറസ്സ് ഡൗണ്ലോഡ് ചെയ്യപ്പെടുന്നു.
നിങ്ങളുടെ കമ്പ്യൂട്ടറിലുളള ആന്റിവൈറസ്സിനെ ആകും ആ വൈറസ്സ് ആദ്യമായി ഡിലീറ്റ് ചെയ്യുന്നത്. അങ്ങനെ നിങ്ങളുടെ ഫ്രണ്ട് ലിസ്റ്റില് ഉളള എല്ലാവര്ക്കും ആ ലിങ്ക് ഫോര്വേഡ് ചെയ്യപ്പെടുന്നു. അങ്ങനെ ഒരാളില് നിന്നും മറ്റൊരാളിലേയ്ക്ക് ഈ വൈറസ്സ് പരക്കുന്നു. എന്നാല് ഇവയില് നിന്നെല്ലാം രക്ഷപ്പെടാനായുള്ള ചില മാർഗ്ഗങ്ങളെ കുറിച്ചാണ് ഇവിടെ പറയുന്നത്…
നിങ്ങളുടെ സെക്യൂരിറ്റി സെറ്റിങ്ങ്സ്സില് കയറി ലോഗിന് നോട്ടിഫിക്കേഷന് ഇനേബിള് ചെയ്യുക. മുകളില് വലതു ഭാഗത്ത് അക്കൗണ്ട് സെറ്റിങ്ങ്സില് പോയാല് സെക്യൂരിറ്റി സെറ്റിങ്ങ്സ് കാണാം.
അപരിചിതമായ ലിങ്കുകളില് ക്ലിക്ക് ചെയ്യാതിരിക്കുക, അത് സുഹൃത്തുക്കള് അയച്ചതായാലും ശരി. അങ്ങനെയുളള ലിങ്ക് കിട്ടിയാല് ആ സുഹൃത്തിനേയും വിവരം അറിയിക്കുക.
അറിയാത്ത ആളുകളില് നിന്നും ഫ്രണ്ട് റിക്വസ്റ്റുകള് സ്വീകരിക്കാതിരിക്കുക.
ഇങ്ങനെ സ്കാമില് നിങ്ങള് ഉള്പ്പെട്ടാല് ഉടനെ അത് റിപ്പോര്ട്ട് ചെയ്യുക. അങ്ങനെയെങ്കില് അതിനെതിരെ ഫേസ്ബുക്ക് നടപടി സ്വീകരിക്കും.
നിങ്ങള്ക്ക് ആവശ്യമില്ലാത്ത ആപ്ലിക്കേഷന് വെറുതെ ഡൗണ്ലോഡ് ചെയ്യാതിരിക്കുക.
എയര്പോര്ട്ടിലോ മറ്റെവിടെ എങ്കിലും നിന്ന് നിങ്ങള്ക്ക് ഫേസ്ബുക്ക് ഉപയോഗിക്കണം എങ്കില് ഫേസ്ബുക്കിലുളള One time password എന്ന സൗകര്യം ഉപയോഗിക്കുക. അത് കിട്ടാന് വേണ്ടി OTP എന്റര്ടൈപ്പ് ചെയ്ത് 32665 എന്ന നമ്പറിലേയ്ക്ക് എസ്എംഎസ് അയയ്ക്കുക.
ഫേസ്ബുക്ക് ഉപയോഗിക്കുന്ന സെക്യൂരിറ്റി സൗകര്യങ്ങളെ കുറിച്ച് അറിയാന് ഫേസ്ബുക്കിന്റെ ‘സെക്യൂരിറ്റി പേജില്’ സന്ദര്ശിക്കുക. Take Action, Threats എന്നിവ വായിക്കുന്നതായിരിക്കും നല്ലത്.
ഓണ്ലൈന് സെക്യൂരിറ്റി കമ്പനികള് ഫേസ്ബുക്ക് കരാറില് എത്തിയിട്ടുണ്ട്, അതു കൊണ്ട് ഇത്തരം സോഫ്റ്റുവയറുകള് കൂടുതല് സംരക്ഷണം നിങ്ങള്ക്കു നല്കുന്നു.
Leave a Reply