Published on May 12, 2018 at 5:43 pm

ഹൃദയാരോഗ്യത്തിന് ചക്ക ബെസ്റ്റാണ് ബ്രോ..!!

ചക്ക നിരവധി പോഷക സമൃദ്ധമായ ഒരു ഫലമെന്നതിലുപരി മലയാളികൾക്ക് ഏറെ സുപരിചിതമായ ഒരു ഫലമാണ് . എന്നാൽ ചക്കയുടെ യഥാർത്ഥ പോഷക ഗുണങ്ങൾ നമ്മൾ പലപ്പോഴും അറിയാറില്ല.

വിറ്റാമിനുകൾ, ധാതുക്കൾ, ഇലക്ട്രോളൈറ്റുകൾ, ഫൈറ്റോ ന്യൂട്രിയൻറുകൾ, കാർബോഹൈഡ്രേറ്റുകൾ, നാരുകൾ, കൊഴുപ്പ്, പ്രോട്ടീൻ തുടങ്ങി മനുഷ്യശരീരത്തിനാവശ്യമായ ഒട്ടുമിക്ക പോഷകങ്ങളും ചക്കയിലുണ്ട്.

കണ്ണുകളുടെ ആരോഗ്യത്തിനും കാഴ്ചശക്തി വര്ധിപ്പിക്കുന്നതിനോടൊപ്പം തിമിര സാധ്യത കുറക്കുന്നതിനും ചക്ക ഏറെ സഹായിക്കുന്നു. എന്നാൽ ഇവക്കൊപ്പം തന്നെ ചക്ക ഹൃദയ സംരക്ഷണത്തിന് ഒരു ഉത്തമ മരുന്നാണ്.

ചക്കപ്പഴത്തിലെ വിറ്റാമിൻ ബി 6 ഹൃദയത്തിനു സംരക്ഷണം നല്കുന്നു. ഇത് സ്ട്രോക്ക്, ഹൃദയരോഗങ്ങൾ എന്നിവയ്ക്കുളള സാധ്യത കുറയ്ക്കുന്നു.ചക്കപ്പഴത്തിലെ മാംഗനീസ് രക്തത്തിലെ പഞ്ചസാരയുടെ അളവു നിയന്ത്രിക്കുന്നതിനും ഏറ്റവും നല്ല ഒരു മരുന്നാണ്.

ഇതോടൊപ്പം തന്നെ ചക്കയിലെ ഫൈറ്റോ ന്യൂട്രിയന്‍റുകൾ ചർമസംരക്ഷണത്തിനും ഏറെ സഹായിക്കുന്നു.

Share this on WhatsApp