Published on January 20, 2015 at 9:17 pm

പിസ്സ എത്തിച്ചു കൊടുത്തതിന് യുവാവിന് ടിപ്പായി കിട്ടിയത് 1.28 ലക്ഷം രൂപ

michigan-pizza-delivery-guy-gifted-2084-tip-after-viral-prank

ഒരു പിസ്സ ഡെലിവറി ബോയ്ക്ക് ആണ് ഈ അത്ഭുത സൗഭാഗ്യം വന്നു ചേർന്നത്‌. പിസ്സ ഓർഡർ കിട്ടിയതനുസരിച്ച് ഡെലിവെർ ചെയ്യാൻ പോയ യുവാവിന്‌ ലഭിച്ചത്‌ 1.28 ലക്ഷം രൂപ ടിപ്പ്‌. പണം മാത്രമല്ല, വിസ ഗിഫ്‌റ്റ്‌ കാർഡും, ലോട്ടറി ടിക്കറ്റും, അനുമോദന എഴുത്തുകളും അവർ റോബിന്‌ നൽകി. വ്യാഴാഴ്‌ച, മിഷിഗണിലെ ആൻ ആർബറിൽ നടന്ന റിയൽ എസ്റ്റേറ്റ്‌ ഏജന്റുമാരുടെ മീറ്റിങ്ങിൽ പിസ്സ കൊണ്ടുക്കൊടുക്കാൻ പോയ റോബ്‌ എന്ന യുവാവിനാണ്‌ ഇത്രയും വലിയ തുക ടിപ്പായി ലഭിച്ചത്‌.

സേവനം ചെയ്യുന്നവരെ അനുമോദിക്കണമെന്ന്‌ തങ്ങൾക്ക്‌ ആഗ്രഹമുണ്ടെന്നും അതിനാലാണ്‌ റോബിന്‌ വലിയ തുക ടിപ്പായി നൽകിയതെന്നും കെല്ലർ വില്യംസ്‌ റിയാലിറ്റി ഏജന്റുമാർ പറഞ്ഞു. സംഭവിച്ചതെന്താണെന്ന്‌ ഇനിയും വിശ്വസിക്കാനാകാതെ ആകെ അന്ധാളിപ്പിലാണ് റോബിൻ.
–

–

–