Welcome to NIRBHAYAM.COM | Kerala’s No. 1 News Portal
November 17, 2025 12:19 am
Published on March 17, 2017 at 12:02 pm
ഉസൂറി ബേ; വലിച്ചെറിഞ്ഞ മദ്യക്കുപ്പികള്ക്കുമേല് പ്രകൃതി തീര്ത്ത വിസ്മയം
വോഡ്ക്ക റഷ്യയ്ക്കാരുടെ പ്രിയപ്പെട്ട മദ്യമാണ്. ഇത്തരം വോഡ്ക്ക് കുപ്പികള് ഒരു പ്രദേശത്തെ സൗന്ദര്യമയമാക്കിയാലോ. അത്തരമൊരു കഥയാണ് റഷ്യയിലെ ഉസൂറി ബേ എന്ന ബീച്ചിന് പറയാനുള്ളത്.
സോവിയറ്റ് ഭരണകാലത്ത് പല നിറങ്ങളിലുള്ള വോഡ്ക കുപ്പികളും ബിയര് ബോട്ടിലുകളും കൂട്ടത്തോടെ ഉപേക്ഷിച്ചിരുന്നത് ഈ സമുദ്രതീരത്തായിരുന്നു.
അന്ന് തൊട്ടാല് കൈ മുറിയുന്ന മൂര്ച്ചയേറിയ കുപ്പികളും കുപ്പിച്ചില്ലുകളുമായിരുന്നവയെ ദശാബ്ദങ്ങള് കൊണ്ട് പ്രകൃതി മനോഹരമായ ശില്പ്പങ്ങള്ക്കു തുല്യമാക്കി മാറ്റുകയായിരുന്നു. ഈ കാഴ്ചയാണ് ഉസൂറി ബേ ബീച്ചിനെ ഇപ്പോള് പ്രശസ്തമാക്കുന്നത്.
ഒരു കാലത്ത് ഇത്തരം കൂര്ത്ത കുപ്പിച്ചില്ലുകള് കാരണം ജനങ്ങള്ക്കു പ്രവേശനം നിഷേധിക്കപ്പെട്ടിരുന്ന ഈ സ്ഥലമിപ്പോള് ഇക്കാരണം കൊണ്ടുതന്നെ പ്രധാനപ്പെട്ട വിനോദ സഞ്ചാര കേന്ദ്രങ്ങളില് ഒന്നായിമാറിയിരിക്കുന്നത്.
പ്രകൃതി മൂര്ച്ചയേറിയ കുപ്പിച്ചില്ലുകളെ വെള്ളാരം കല്ലുകള് പോലെ മിനുസ്സമുള്ളവയാക്കി മാറ്റിയതോടെ ഈ ബീച്ച് അപൂര്വ സൗന്ദര്യമുള്ള ബീച്ചുകളിലൊന്നായി മാറുകയായിരുന്നു. വ്ളാഡിവോസ്റ്റോക് പട്ടണത്തിനടുത്താണ് ഉസൂറി ബേ എന്ന ബീച്ച് സ്ഥിതി ചെയ്യുന്നത്. കുട്ടികള്ക്കു പോലും നിര്ഭയമായി ചവിട്ടി നടക്കാനാവുന്ന വിധം മിനുസ്സമുള്ളതായി മാറിയിരിക്കുന്നു ഇന്ന് ആ പഴയ കൂര്ത്ത കുപ്പിച്ചില്ലുകള്.
ശക്തമായ ഒഴുക്കുള്ള നദീതിരങ്ങളില് കാണുന്ന മിനുസമായ കല്ലുകള് പോലെയാണ് ഇന്നിവ കാണപ്പെടുന്നത്. അതേസമയം പല വര്ണ്ണത്തിലായതിനാല് ഇവയ്ക്ക് ഉരുളന് കല്ലുകളേക്കാള് സൗന്ദര്യവുമുണ്ട്.
ഗ്ലാസ് ബീച്ചെന്നാണ് ഇപ്പോള് ഉസൂറി ബേ അറിയപ്പെടുന്നത്. ബീച്ചിലെ ഈ കാഴ്ച കാണാന് ഇവിടെ എത്തുന്നത്.
Leave a Reply