Welcome to NIRBHAYAM.COM | Kerala’s No. 1 News Portal
July 18, 2026 8:19 am
Published on October 15, 2016 at 3:42 pm
ഷേവ് ചെയ്യുന്ന പുരുഷന്മാര്ക്ക് ഒരു മുന്നറിയിപ്പ്….
ഷേവ് ചെയ്ത് മുഖം ആകര്ഷകമായി സൂക്ഷിക്കുന്നവരാണ് മിക്ക പുരുഷന്മാരും.എന്നാല് ഷേവിംഗിനിടയില് ചര്മ്മം സംരക്ഷിക്കാന് പലരും മറന്നു പോകുന്നു.അശ്രദ്ധമായ ഷേവിംഗ് പലപ്പോഴും പലവിധത്തിലുള്ള പ്രശ്നങ്ങള്ക്ക് കാരണമാകും. മുഖത്ത് മുറിവുണ്ടാകാനും ചര്മ്മത്തിന്റെ സ്വാഭാവികത നഷ്ടപ്പെടാനും എല്ലാം ഷേവിംഗിലെ അശ്രദ്ധ കാരണമാകും. ചര്മ്മത്തെ നശിപ്പിക്കുന്ന ഷേവിങ് തെറ്റുകൾ എന്തൊക്കെയെന്ന് നോക്കാം….
ബ്ലേഡ് വൃത്തിയായി കഴുകാത്തതും പലപ്പോഴും ഷേവിംഗില് നിങ്ങള് വരുത്തുന്ന വലിയ തെറ്റാണ്. ഷേവ് ചെയ്യുമ്പോള് ബ്ലേഡില് മൃതചര്മ്മങ്ങള് ഉണ്ടാവും. ഇത് വൃത്തിയായ രീതിയില് കഴുകാതെ ഉപയോഗിക്കുമ്പോള് അത് ഇന്ഫെക്ഷന് കാരണമാകും.
മോയ്സ്ചുറൈസറോ ക്രീമോ ഒന്നും ഉപയോഗിക്കാതെയുള്ള ഷേവിംഗ് പലപ്പോഴും പല വിധത്തിലുള്ള ചര്മ്മ പ്രശ്നങ്ങള്ക്ക് കാരണമാകും. ഇത് ചര്മ്മം ചുവന്ന് തടിയ്ക്കാനും തിണര്ക്കാനും കാരണമാകും.
ഡ്രൈ ഷേവിംഗ് ചെയ്യുന്നവരും പുരുഷന്മാര്ക്കിടയില് കുറവല്ല. എന്നാല് പലപ്പോഴും ഇത്തരം പ്രശ്നങ്ങള് ഉണ്ടാക്കുന്നത് വളരെ വലിയ ചര്മ്മരോഗങ്ങള് ആണ് എന്നതാണ് സത്യം.
ഒരേ റേസര് ഉപയോഗിച്ച് വീണ്ടും വീണ്ടും ഷേവ് ചെയ്യുന്നത് ചര്മ്മത്തെ കൂടുതല് പ്രശ്നത്തിലാക്കുന്നു. റേസറിലുള്ള ബാക്ടീരിയയും മറ്റും ഷേവിഗം ബുദ്ധിമുട്ടുള്ള പ്രശ്നമായി മാറും. റേസറിന്റെ മൂര്ച്ച കുറയുന്നതും ഷേവിംഗ് പ്രയാസകരമാക്കും.
മൃതകോശങ്ങളെ നീക്കം ചെയ്യുന്നതും പലപ്പോഴും ഷേവിംഗിലൂടെയാണ്. എന്നാല് ഷേവിംഗിനു മുന്പ് ഇത് നീക്കം ചെയ്യാന് ശ്രമിക്കുക. റേസര് മൃതകോശങ്ങളില് തട്ടി മുറിവുണ്ടാകാനുള്ള സാധ്യത ഇതുലൂടെ ഇല്ലാതാക്കാം.
ഷേവിംഗിന് ശേഷം മോയ്സ്ചുറൈസര് ഉപയോഗിക്കുന്നതാണ് നല്ല ശീലം. എന്നാല് പലരും ഇത് ഉപയോഗിക്കുന്നില്ല. മോയ്സ്ചുറൈസര് ഉപയോഗിക്കുന്നതിലൂടെ ചര്മ്മത്തിന്റ പല തരത്തിലുള്ള പ്രശ്നങ്ങള്ക്കും പരിഹാരമാകും.
സോപ്പുപയോഗിച്ച് ഷേവ് ചെയ്യുന്നവരും ചില്ലറയല്ല. എന്നാല് ഇത് ചര്മ്മത്തെ കൂടുതല് വരണ്ടതാക്കി മാറ്റുന്നു. സോപ്പിന് പകരം കണ്ടീഷണറോ മോയ്സ്ചുറൈസറോ ഉപയോഗിക്കാവുന്നതാണ്. മാത്രമല്ല ചര്മ്മം വരണ്ടതാവുന്നതിലൂടെ പലപ്പോഴും മുറിവുണ്ടാകാനുള്ള സാധ്യത വളരെ കൂടുതലാണ്.
Leave a Reply