Welcome to NIRBHAYAM.COM | Kerala’s No. 1 News Portal
തൃശൂര്: പാമൊലിന് കേസില് പ്രതികള് സമര്പ്പിച്ച വിടുതല് ഹരജികള് തൃശൂര് വിജിലന്സ് കോടതി തള്ളി. മുന് ഭക്ഷ്യമന്ത്രിയും കേസിലെ രണ്ടാം പ്രതിയുമായ ടി.എച്ച് മുസ്തഫ, സപ്ലൈകോ മുന് എം.ഡിയും അഞ്ചാം പ്രതിയുമായ ജിജി തോംസണ് എന്നിവരുടെ ഹരജികളാണ് കേടതി തള്ളിയത്.
പാമൊലിന് ഇടപാടില് തങ്ങള് കുറ്റക്കാരല്ലെന്നും കേസില് നിന്നൊഴിവാക്കണമെന്നും ആവശ്യപ്പെട്ടാണ് പ്രതികള് വിടുതല് ഹരജി നല്കിയത്. കേസ് ഈ മാസം 29ന് വീണ്ടും പരിഗണിക്കും.
പാമൊലിന് ഇടപാട് നടന്ന സമയത്തെ ചീഫ് സെക്രട്ടറിയായിരുന്ന പത്മകുമാര്, അഡീഷണല് ചീഫ് സെക്രട്ടറി സഖറിയാ മാത്യു, ഫുഡ് സിവില് സപ്ലൈസ് ഡിപ്പാര്ട്മെന്റ് സെക്രട്ടറി പി.ജെ തോമസ് എന്നിവരുടെ വിടുതല് ഹരജികളിന്മേല് കോടതി നാളെ മുതല് വാദം തുടങ്ങിയേക്കും.
1991ല് കെ. കരുണാകരന് മുഖ്യമന്ത്രിയായിരിക്കെ 15000 മെട്രിക് ടണ് പാമൊലിന് സിംഗപ്പൂരില് നിന്ന് ഇറക്കുമതി ചെയ്തതില് 2.32 കോടിയുടെ നഷ്ടം ഖജനാവിന് ഉണ്ടാക്കിയെന്നാണ് കേസ്.
Leave a Reply