Welcome to NIRBHAYAM.COM | Kerala’s No. 1 News Portal
കലാഭവന് മണിയുടെ വിശ്വസ്തനെന്ന നിലയില് വാര്ത്തകളില് ഇടം നേടിയ കൊച്ചി സ്വദേശി വിഷം കഴിച്ച് ആത്മഹത്യക്കു ശ്രമിച്ചു. രണ്ട് ദിവസം മുമ്പ് ആത്മഹത്യയ്ക്ക് ശ്രമിച്ച ഇയാളെ സുഹൃത്തുക്കളാണ് ആശുപത്രിയിൽ എത്തിച്ചത്. മണിയുടെ വിശ്വസ്തൻ ആത്മഹത്യ ചെയ്യാൻ ശ്രമിച്ച സംഭവത്തിൽ ദുരൂഹതയുണ്ടെന്ന് വാർത്ത പ്രചരിച്ചതോടെ ആശുപത്രിയിൽ നിന്നും ബന്ധുക്കൾ നിർബന്ധിത ഡിസ്ചാർജ് വാങ്ങി വീട്ടിലേക്ക് പോവുകയായിരുന്നുവെന്നാണ് റിപ്പോർട്ടുകൾ.
മണിയുടെ റിയൽ എസ്റ്റേറ്റ് ബിസിനസുകളിൽ ഇയാളുടെ സാന്നിധ്യം ഉണ്ടായിരുന്നു. അയൽ സംസ്ഥാനങ്ങളിലടക്കം മണി നടത്തിയ റിയൽ എസ്റ്റേറ്റ് ബിസിനസുകൾ അന്വേഷിക്കുന്ന സമയത്താണ് മണിക്ക് ഇയാളുമായുള്ള ബന്ധം പൊലീസ് കണ്ടെത്തുന്നത്. കൊച്ചി സിറ്റി പൊലീസ് പരിധിയിൽ നടന്ന പല ക്രിമിനൽ കേസുകളിലും ഇയാൾ പ്രതിയായിരുന്നു.
രണ്ട് തവണ പൊലീസ് പിടിയിൽ ആയപ്പോൾ പുറത്തിറക്കാനും മണിയുടെ ഇടപെടലുകൾ ഉണ്ടായി. പലപ്പോഴും മണിയുടെ ആഡംബര കാർ ഇയാളാണ് ഉപയോഗിച്ചതെന്ന് വിവരമുണ്ട്. ഇയാൾക്കൊപ്പം മണി പല ഒത്തുതീർപ്പ് ഇടപാടുകൾ നടത്തുകയും അതുവഴി മണിക്ക് ഒരുപാട് ശത്രുക്കൾ ഉണ്ടായിട്ടുണ്ടെന്നും പൊലീസ് വ്യക്തമാക്കിയിട്ടുണ്ട്. അതേസമയം, നോട്ട് പ്രതിസന്ധിയിൽ പെട്ട് സാമ്പത്തികമായി ബുദ്ധിമുട്ട് അനുഭവിച്ചിരുന്നതായി ബന്ധുക്കളും സുഹൃത്തുക്കളും പറയുന്നു.
Leave a Reply