Welcome to NIRBHAYAM.COM | Kerala’s No. 1 News Portal
March 18, 2025 5:07 pm
Published on May 2, 2013 at 6:33 am
ജീവകങ്ങളാല്‍ സമ്പുഷ്ടമായ മുരിങ്ങയില.
നാട്ടിന്‍ പുറത്തെ മിക്ക വീടുകളിലും ഉള്ള മുരിങ്ങയുടെ ഗുണങ്ങള്‍ നിരവധിയാണ്.മുരിങ്ങാക്കായ പോലെ മുരിങ്ങയിലയും നിരവധി ഗുണങ്ങളാല്‍ സംപുഷ്ടമാണ്.വൈറ്റമിന്‍ എ,സി,ഇരുമ്പ്‌, ഫോസ്ഫറസ്‌ എന്നിവയുടെ സമൃദ്ധമായ ഉറവിടമാണ്‌ മുരിങ്ങയില.ഇവയുടെ നീര്‌ രക്തസമ്മര്‍ദം സാധാരണ നിലയിലാക്കാന്‍ നല്ലതാണ്‌.കുട്ടികള്‍ മുരിങ്ങയില കറിയായോ ഇറുത്തെടുത്ത ഇലയുടെ മുകളില്‍ ചൂടു കഞ്ഞി ഒഴിച്ചു വാട്ടിയോ കഴിക്കുന്നത് ബുദ്ധിശക്തി കൂട്ടുമെന്ന് പഴമക്കാര്‍ കണ്ടെത്തിയിരുന്നു.ഒരു കപ്പ്‌ മുരിങ്ങയില സൂപ്പില്‍ എണ്‍പതു കപ്പ്‌ പാലിനും 16 കിലോ ആട്ടിറച്ചിക്കും തുല്യമായ വൈറ്റമിന്‍ എയും 20 മാമ്പഴത്തിനും രണ്ടര കിലോ മുന്തിരിങ്ങയ്ക്കും ആറ്‌ ഓറഞ്ചിനും തുല്യമായ വൈറ്റമിന്‍ സിയും അടങ്ങിയിരിക്കുന്നു.ഇതു കൂടാതെ ഇരുപതു കോഴിമുട്ടയ്ക്കു തുല്യമായ കാല്‍സ്യവും 100ഗ്രാം മാട്ടിറച്ചിക്കും 100 ഗ്രാം കോഴിയിറച്ചിക്കും120ഗ്രാം മല്‍സ്യത്തിനും രണ്ടര കപ്പ്‌ പാലിനും രണ്ടു മുട്ടയ്ക്കും തുല്യമായ ജീവകം ഉണ്ടത്രേ.
Leave a Reply